ਫੁੱਲਾਂਵਾਲ, 16 ਅਕਤੂਬਰ (ਮਨਜੀਤ ਸਿੰਘ ਦੁੱਗਰੀ)-ਅੱਜ ਦੇਰ ਰਾਤ 200 ਫੁੱਟੀ ਮਿਸਿੰਗ ਲਿੰਕ ਸੜਕ 'ਤੇ ਪੈਂਦੇ ਜੈਨ ਚੌਕ ਤੋਂ ਨਿਊ ਗੁਰੂ ਤੇਗ ਬਹਾਦਰ ਨਗਰ ਚੌਕ ਨੂੰ ਜਾਂਦੀ ਸੜਕ ਉਪਰ ਇਕ ਐਂਬੂਲੈਂਸ ਨੰਬਰ ਪੀ.ਬੀ. 65 ਬੀ.ਸੀ. 4890 ਦੇ ਡਰਾਈਵਰ ਵਲੋਂ ਨਸ਼ੇ ਦੀ ਲੋਰ ਵਿਚ ਐਂਬੂਲੈਂਸ ਸੜਕ ਵਿਚਕਾਰਲੇ ਡਿਵਾਈਡਰ 'ਤੇ ਚਾੜ੍ਹ ਦਿੱਤੀ ਗਈ | ਇਸ ਮੌਕੇ ਡਰਾਈਵਰ ਦੇ ਨਾਲ ਉਸ ਦਾ ਸਹਾਇਕ ਵੀ ਐਂਬੂਲੈਂਸ 'ਚ ਮੌਜੂਦ ਸੀ | ਸਥਾਨਕ ਲੋਕਾਂ ਦੇ ਦੱਸਣ ਮੁਤਾਬਿਕ ਡਰਾਈਵਰ ਅਤੇ ਉਸ ਦਾ ਸਹਾਇਕ ਸਾਥੀ ਨਸ਼ੇ ਦੀ ਹਾਲਤ ਵਿਚ ਸਨ | ਇਸ ਮੌਕੇ ਸੜਕ 'ਤੇ ਟਰੈਫ਼ਿਕ ਘੱਟ ਹੋਣ ਕਰਕੇ ਖ਼ੁਸਕਿਸਮਤ ਨਾਲ ਕਿਸੇ ਵੱਡੇ ਹਾਦਸੇ ਤੋਂ ਬਚਾਅ ਹੋ ਗਿਆ |