ਸਠਿਆਲਾ, 23 ਦਸੰਬਰ (ਜਗੀਰ ਸਿੰਘ ਸਫਰੀ)-ਸ਼ਹੀਦ ਇੰਸ: ਰਘਬੀਰ ਸਿੰਘ ਸਰਕਾਰੀ ਸੀਨੀ: ਸੈਕੰਡਰੀ ਸਕੂਲ ਸਠਿਆਲਾ ਵਿਖੇ ਸਵਾਗਤ ਕੀਤਾ ਗਿਆ | ਇਸ ਮੌਕੇ 'ਤੇ ਪਿ੍ੰਸੀਪਲ ਸਿਮਰਨਜੀਤ ਕੌਰ ਤੇ ਸਕੂਲ ਸਟਾਫ ਵਲੋਂ ਕਾਂਸੀ ਵਿਜੇਤਾ ਖਿਡਾਰੀ ਮਨਮੀਤ ਸਿੰਘ ਵੈਰੋਵਾਲ ਦਾ ਸ਼ਾਨਦਾਰ ਸਵਾਗਤ ਕਰਨ ਉਪਰੰਤ ਉਨ੍ਹਾਂ ਨੇ ਸਕੂਲ ਦੇ ਵਿਦਿਆਰਥੀਆਂ ਨੂੰ ਦੱਸਿਆ ਹੈ ਕਿ ਜੂਨੀਅਰ ਵਰਲਡ ਕੱਪ ਤੱਕ ਉਨ੍ਹਾਂ ਦੀ ਯਾਤਰਾ ਸਾਲਾਂ ਦੀ ਮਿਹਨਤ, ਅਨੁਸ਼ਾਸਨ ਤੇ ਵਿਸ਼ਵਾਸ ਦਾ ਨਤੀਜਾ ਹੈ ਤੇ ਇਹ ਸਨਮਾਨ ਸਿਰਫ ਨਤੀਜਿਆਂ ਦਾ ਜ਼ਸਨ ਨਹੀਂ, ਸਗੋਂ ਉਸ ਚਰਿੱਤਰ, ਵਚਨਬੱਧਤਾ ਤੇ ਹਿੰਮਤ ਦੀ ਪਛਾਣ ਵੀ ਹੈ ਜੋ ਭਾਰਤ ਦੀ ਜਰਸੀ ਪਾਉਣ ਲਈ ਲਾਜ਼ਮੀ ਹੁੰਦੀ ਹੈ | ਉਨ੍ਹਾਂ ਵਲੋਂ ਵਿਦਿਆਰਥੀਆਂ ਨੂੰ ਖੇਡਾਂ ਤੇ ਪੜ੍ਹਾਈ ਲਈ ਪ੍ਰੇਰਿਤ ਕੀਤਾ ਗਿਆ | ਇਸ ਮੌਕੇ ਲੈਕ: ਹਰਮਿੰਦਰ ਸਿੰਘ ਬੂਲੇਨੰਗਲ, ਰਾਜਿੰਦਰ ਸਿੰਘ, ਨਰਿੰਦਰ ਧੀਰ, ਮੈਡਮ ਭਾਨੂ ਕਲਸੀ, ਮਨਦੀਪ ਕੌਰ, ਅਮਰਬੀਰ ਸਿੰਘ, ਬਲਜਿੰਦਰ ਸਿੰਘ, ਮਨਮੋਹਣ ਸਿੰਘ, ਸੁਖਮਿੰਦਰ ਸਿੰਘ, ਗੁਰਪ੍ਰੀਤ ਸਿੰਘ ਆਦਿ ਹਾਜ਼ਰ ਸਨ |
