ਪਟਿਆਲਾ, 16 ਜੂਨ (ਅ. ਸ. ਆਹਲੂਵਾਲੀਆ)-ਖੁਖਰੈਣ ਵੈੱਲਫੇਅਰ ਸੁਸਾਇਟੀ ਰਜਿਸਟਰ ਦੀ ਸਾਲਾਨਾ ਜਰਨਲ ਮੀਟਿੰਗ ਨਿਹਾਲ ਬਾਗ ਵਿਖੇ ਖੁਖਰੈਣ ਵੈੱਲਫੇਅਰ ਸੋਸਾਇਟੀ ਦੇ ਪ੍ਰਧਾਨ ਗੁਰਜੀਤ ਸਿੰਘ ਕੋਹਲੀ ਦੀ ਅਗਵਾਈ ਹੇਠ ਹੋਈ, ਜਿਸ 'ਚ ਖੁਖਰੈਣ ਵੈੱਲਫੇਅਰ ਸੋਸਾਇਟੀ ਦੇ ਸਾਰੇ ਮੈਂਬਰ ਹਾਜ਼ਰ ਹੋਏ ਜਿਸ 'ਚ ਪਿਛਲੇ ਸਾਲ ਦੌਰਾਨ ਖੁਖਰੈਣ ਸਮਾਜ ਦੀਆਂ ਉਪਲਬਧੀਆਂ ਤੇ ਕੀਤੀਆਂ ਗਈਆਂ ਗਤੀਵਿਧੀਆਂ ਦੀ ਜਾਣਕਾਰੀ ਦਿੱਤੀ ਗਈ | ਇਸ ਦੌਰਾਨ ਨਵੇਂ ਜੁੜੇ ਮੈਂਬਰਾਂ ਦਾ ਸਵਾਗਤ ਕੀਤਾ ਗਿਆ | ਆਉਣ ਵਾਲੇ ਸਾਲ ਦੌਰਾਨ ਨਵੀਆਂ ਗਤੀਵਿਧੀਆਂ ਦੀ ਜਾਣਕਾਰੀ ਦਿੱਤੀ ਗਈ | ਇਸ ਦੌਰਾਨ ਮਰਹੂਮ ਸਰਦਾਰ ਸੁਰਜੀਤ ਸਿੰਘ ਕੋਹਲੀ, ਸਾਬਕਾ ਐਮ. ਸੀ. ਨਰਿੰਦਰ ਸਿੰਘ ਚੰਢੋਕ ਅਤੇ ਇੰਦਰਜੀਤ ਸਿੰਘ ਕੋਹਲੀ ਜੋ ਅਕਾਲ ਚਲਾਣਾ ਕਰ ਗਏ ਸੀ ਉਨ੍ਹਾਂ ਨੂੰ ਵੀ ਸ਼ਰਧਾਂਜਲੀ ਦਿੱਤੀ ਗਈ |
