ਜਖਵਾਲੀ, 18 ਜੂਨ (ਨਿਰਭੈ ਸਿੰਘ)-ਮਲਟੀਪਰਪਜ਼ ਇੰਪਲਾਈਜ਼ ਯੂਨੀਅਨ ਪੀ.ਐੱਚ.ਸੀ. ਚਨਾਰਥਲ ਕਲਾਂ ਵਲੋਂ ਮੈਡੀਕਲ ਅਫ਼ਸਰ ਸੰਘੋਲ ਖ਼ਿਲਾਫ਼ 3 ਜੁਲਾਈ ਦੇ ਧਰਨੇ ਵਿਚ ਸ਼ਮੂਲੀਅਤ ਕਰਨ ਦਾ ਐਲਾਨ ਕੀਤਾ ਗਿਆ ਹੈ | ਇਸ ਸਬੰਧੀ ਯੂਨੀਅਨ ਪ੍ਰਧਾਨ ਨੀਲਮਜੀਤ ਕੌਰ ਨੇ ਦੋਸ਼ ਲਾਉਂਦਿਆਂ ਦੱਸਿਆ ਕਿ ਸਿਹਤ ਕੇਂਦਰ ਸੰਘੋਲ ਦੇ ਇੰਚਾਰਜ ਦੁਆਰਾ ਸੰਬੰਧਿਤ ਸਟਾਫ਼ ਨੂੰ ਜਾਣ ਬੁੱਝ ਕੇ ਤੰਗ ਪੇ੍ਰਸ਼ਾਨ ਕੀਤਾ ਜਾ ਰਿਹਾ ਹੈ | ਉਨ੍ਹਾਂ ਉਕਤ ਮੈਡੀਕਲ ਅਫ਼ਸਰ ਵਲੋਂ ਕਰਮਚਾਰੀਆਂ ਖ਼ਿਲਾਫ਼ ਮਾੜੇ ਵਤੀਰੇ ਦੀ ਸਖ਼ਤ ਸ਼ਬਦਾਂ ਵਿਚ ਨਿਖੇਧੀ ਕੀਤੀ ਅਤੇ ਸਾਂਝਾ ਮੁਲਾਜ਼ਮ ਮੰਚ ਮੁੱਢਲਾ ਸਿਹਤ ਕੇਂਦਰ ਸੰਘੋਲ ਵਲੋਂ 3 ਜੁਲਾਈ ਨੂੰ ਧਰਨੇ ਦੀ ਕਾਲ ਦਿੱਤੀ ਗਈ ਹੈ, ਜਿਸ ਵਿਚ ਸਮੂਹ ਮਲਟੀਪਰਪਜ਼ ਯੂਨੀਅਨ ਪੀ.ਐੱਚ.ਸੀ. ਚਨਾਰਥਲ ਕਲਾਂ ਦੇ ਸਮੂਹ ਮੈਂਬਰ ਵੱਡੀ ਗਿਣਤੀ ਵਿਚ ਸ਼ਮੂਲੀਅਤ ਕਰਨਗੇ | ਇਸ ਮੌਕੇ ਇੰਦਰਜੀਤ ਸਿੰਘ, ਕੰਵਲਜੀਤ ਸਿੰਘ, ਲਖਵਿੰਦਰ ਸਿੰਘ, ਸੁਰਿੰਦਰ ਸਿੰਘ, ਗੁਰਪ੍ਰੀਤ ਸਿੰਘ, ਗੀਤਾ ਗੌਤਮ ਤੇ ਰਸਪਿੰਦਰ ਕੌਰ ਆਦਿ ਹਾਜ਼ਰ ਸਨ |
