ਫ਼ਰੀਦਕੋਟ, 19 ਜੂਨ (ਸਟਾਫ਼ ਰਿਪੋਰਟਰ)- ਦੇਵ ਭੂਮੀ ਗਢਵਾਲ ਵੈਲਫ਼ੇਅਰ ਸੁਸਾਇਟੀ ਫ਼ਰੀਦਕੋਟ ਦੇ ਪ੍ਰਧਾਨ ਸੂਰਜ ਕੁਮਾਰ, ਸਕੱਤਰ ਅਮਨਦੀਪ ਸ਼ਰਮਾ, ਖ਼ਜ਼ਾਨਚੀ ਕੁਨਵਰ ਚੰਦ, ਮੁੱਖ ਸਲਾਹਕਾਰ ਰਾਮ ਚੰਦਰ ਭੱਟੀ, ਗੱਬਰ ਸਿੰਘ, ਸਲਾਹਕਾਰ ਭੁਪਾਲ ਸਿੰਘ, ਮੰਗਲ ਸਿੰਘ, ਪ੍ਰੈਸ ਸਕੱਤਰ ਸੱਤਿਆ ਸਿੰਘ, ਆਡੀਟਰ ਰਜਿੰਦਰ ਸਿੰਘ, ਸਟੋਰ ਕੀਪਰ ਰਾਮ ਸਿੰਘ ਰਾਵਤ, ਵਿਜੈ ਸਿੰਘ ਰਾਵਤ ਆਦਿ ਨੇ ਫ਼ਿਰੋਜ਼ਪੁਰ ਤੋਂ ਹਰਿਦੁਆਰ ਜਾਣ ਲਈ ਹਫ਼ਤਾਵਾਰੀ ਐਕਸਪ੍ਰੈਸ ਗੱਡੀ ਨੰ: 14626/14625 ਸ਼ੁਰੂ ਹੋਣ 'ਤੇ ਸਵਾਗਤ ਕੀਤਾ ਹੈ | ਸੁਸਾਇਟੀ ਦੇ ਮੈਂਬਰਾਂ ਨੇ ਦੱਸਿਆ ਕਿ ਸਮੂਹ ਮੈਂਬਰ ਮੂਲ ਰੂਪ ਤੋਂ ਉੱਤਰਾਖੰਡ ਦੇ ਰਹਿਣ ਵਾਲੇ ਹਨ, ਜਿਨ੍ਹਾਂ ਨੂੰ ਇਸ ਗੱਡੀ ਦੇ ਚੱਲਣ ਨਾਲ ਬਹੁਤ ਫ਼ਾਇਦਾ ਹੋਵੇਗਾ, ਕਿਉਂਕਿ ਇਨ੍ਹਾਂ ਦੀ ਇਹ ਵਿਸ਼ੇਸ਼ ਮੰਗ ਸੀ | ਸੁਸਾਇਟੀ ਵਲੋਂ ਰਵਨੀਤ ਸਿੰਘ ਬਿੱਟੂ ਰੇਲਵੇ ਰਾਜ ਮੰਤਰੀ ਭਾਰਤ ਸਰਕਾਰ ਦਾ ਵਿਸ਼ੇਸ਼ ਧੰਨਵਾਦ ਕਰਦਿਆਂ ਇਸ ਗੱਡੀ ਨੂੰ ਰਿਸ਼ੀਕੇਸ਼ ਤੱਕ ਅਤੇ ਰੋਜ਼ਾਨਾ ਚਲਾਉਣ ਦੀ ਮੰਗ ਕੀਤੀ |
