ਮਲੋਟ, 16 ਜੂਨ (ਪਾਟਿਲ)-ਮਲੋਟ ਵਿਖੇ ਰਾਜੀਵ ਗਾਂਧੀ ਪੰਚਾਇਤੀ ਰਾਜ ਸੰਗਠਨ ਦੀ ਮੀਟਿੰਗ ਜ਼ਿਲ੍ਹਾ ਪ੍ਰਧਾਨ ਗੁਰਜੰਟ ਸਿੰਘ ਬਰਾੜ ਦੀ ਅਗਵਾਈ ਹੇਠ ਹੋਈ, ਜਿਸ ਵਿਚ ਸੰਗਠਨ ਦੇ ਪੰਜਾਬ ਪ੍ਰਧਾਨ ਗਗਨਦੀਪ ਸਿੰਘ ਬੌਬੀ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ | ਇਸ ਮੌਕੇ ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਦੇ ਬਲਾਕ ਪ੍ਰਧਾਨਾਂ ਦਾ ਐਲਾਨ ਕੀਤਾ ਗਿਆ, ਜਿਸ ਵਿਚ ਧਰਮਪਾਲ ਗੁਡੂ ਸਾਬਕਾ ਐੱਮ.ਸੀ. ਨੂੰ ਮਲੋਟ ਸ਼ਹਿਰੀ ਪ੍ਰਧਾਨ, ਬਲਾਕ ਲੰਬੀ ਦਾ ਜਬਰਜੰਗ ਸਿੰਘ ਸਰਪੰਚ ਬਾਦਲ, ਸਰਾਵਾਂ ਜ਼ੈਲ ਦਾ ਪਲਵਿੰਦਰ ਸਿੰਘ ਸੰਧੂ ਪੱਕੀ ਟਿੱਬੀ, ਬਲਾਕ ਮਲੋਟ ਦਿਹਾਤੀ ਪ੍ਰਧਾਨ ਹਰਮਨਜੀਤ ਸਿੰਘ ਪਿੰਡ ਚੱਕ ਤਾਮਕੋਟ, ਬਲਾਕ ਗਿੱਦੜਬਾਹਾ ਪ੍ਰਧਾਨ ਸੰਦੀਪ ਸਿੰਘ ਬਰਾੜ ਤੇ ਗੁਰਪ੍ਰੀਤ ਸਿੰਘ ਛੱਤਿਆਣਾ, ਮਨਿੰਦਰ ਸਿੰਘ ਮਨੀ ਜ਼ੋਨ ਬਰੀਵਾਲਾ ਪ੍ਰਧਾਨ, ਬਲਜੀਤ ਸਿੰਘ ਮਾਨ ਸਾਬਕਾ ਸਰਪੰਚ ਸ੍ਰੀ ਮੁਕਤਸਰ ਸਾਹਿਬ ਦਿਹਾਤੀ, ਵਿਸ਼ਾਲ ਕੁਮਾਰ ਪਨਸੇਜਾ ਨੂੰ ਸ੍ਰੀ ਮੁਕਤਸਰ ਸਾਹਿਬ ਸ਼ਹਿਰੀ ਪ੍ਰਧਾਨ ਅਤੇ ਨਿਰਮਲ ਸਿੰਘ ਕਿੰਗਰਾ ਸਾਬਕਾ ਸਰਪੰਚ ਜ਼ਿਲ੍ਹਾ ਮੀਤ ਪ੍ਰਧਾਨ ਨਿਯੁਕਤ ਕੀਤਾ ਗਿਆ | ਇਸ ਮੌਕੇ ਸੀਨੀਅਰ ਆਗੂ ਹਰਚਰਨ ਬਰਾੜ ਸੋਥਾ, ਜ਼ਿਲ੍ਹਾ ਕਾਂਗਰਸ ਦੇ ਪ੍ਰਧਾਨ ਸ਼ੁੱਭਦੀਪ ਸਿੰਘ ਬਿੱਟੂ, ਬਲਕਾਰ ਸਿੰਘ ਔਲਖ, ਮਲੋਟ ਸ਼ਹਿਰੀ ਦੇ ਪ੍ਰਧਾਨ ਸ਼ਿਵ ਕੁਮਾਰ ਸ਼ਿਵਾ, ਅਨਮੋਲ ਦੀਪ ਮਿੱਡੂਖੇੜਾ, ਪੂਰਨ ਚੰਦ ਐੱਮ.ਸੀ., ਸੰਦੀਪ ਵਧਵਾ ਆਦਿ ਹਾਜ਼ਰ ਸਨ |