ਮਲੋਟ, 20 ਜੂਨ (ਪਾਟਿਲ)-ਸਵਾਮੀ ਰਾਮ ਤੀਰਥ ਪਾਰਕ ਮੰਡੀ ਹਰਜੀ ਰਾਮ ਵਿਖੇ ਕਮੇਟੀ ਦੇ ਸਹਿਯੋਗ ਨਾਲ 21 ਜੂਨ ਨੂੰ ਸਵੇਰੇ 6 ਤੋਂ 7 ਵਜੇ ਤੱਕ ਅੰਤਰਰਾਸ਼ਟਰੀ ਯੋਗ ਦਿਵਸ ਮਨਾਇਆ ਜਾਵੇਗਾ | ਭਾਰਤ ਵਿਕਾਸ ਪ੍ਰੀਸ਼ਦ ਦੇ ਪ੍ਰਧਾਨ ਧਰਮਪਾਲ ਗੂੰਬਰ ਅਤੇ ਸਵਾਮੀ ਰਾਮ ਤੀਰਥ ਪਾਰਕ ਵੈੱਲਫ਼ੇਅਰ ਸੁਸਾਇਟੀ ਦੇ ਆਗੂ ਪੰਡਿਤ ਭੋਮ ਚੰਦ ਸ਼ਰਮਾ ਨੇ ਦੱਸਿਆ ਕਿ ਇਸ ਦੌਰਾਨ ਯੋਗ ਸਾਧਕ ਜੈਪਾਲ ਸਿੰਘ ਅਤੇ ਜੀਤ ਸਿੰਘ ਹੰਸ ਵਲੋਂ ਯੋਗ ਆਸਨ ਕਰਵਾਏ ਜਾਣਗੇ | ਸਾਧਕਾਂ ਵਾਸਤੇ ਰਿਫ਼ਰੈਸ਼ਮੈਂਟ ਭਾਰਤ ਵਿਕਾਸ ਪ੍ਰੀਸ਼ਦ ਵਲੋਂ ਹੋਵੇਗੀ ਅਤੇ ਕੇਲਿਆਂ ਦਾ ਪ੍ਰਸ਼ਾਦ ਹਰ ਸਾਲ ਦੀ ਤਰ੍ਹਾਂ ਹਰੀਸ਼ ਗਰੋਵਰ ਦੇ ਪਰਿਵਾਰ ਵਲੋਂ ਵਰਤਾਇਆ ਜਾਵੇਗਾ |
