ਅਹਿਮਦਾਬਾਦ, 19 ਜੂਨ (ਪੀ. ਟੀ. ਆਈ.)-ਪੰਜਾਬ, ਪੱਛਮੀ ਬੰਗਾਲ, ਗੁਜਰਾਤ ਤੇ ਕੇਰਲ ਦੇ ਪੰਜ ਵਿਧਾਨ ਸਭਾ ਹਲਕਿਆਂ 'ਚ ਜ਼ਿਮਨੀ ਚੋਣਾਂ ਦਾ ਅਮਲ ਅਮਨ ਪੂਰਵਕ ਨੇਪਰੇ ਚੜ੍ਹ ਗਿਆ | ਕੇਰਲ ਦੀ ਨੀਲਾਂਬੁਰ ਸੀਟ 'ਤੇ 73.26 ਫ਼ੀਸਦੀ ਅਤੇ ਪੰਜਾਬ ਦੇ ਲੁਧਿਆਣਾ ਪੱਛਮੀ 'ਚ 51.33 ਫ਼ੀਸਦੀ ਵੋਟਿੰਗ ਦਰਜ ਕੀਤੀ ਗਈ | ਗੁਜਰਾਤ ਦੇ ਜ਼ਿਲ੍ਹਾ ਜੂਨਾਗੜ੍ਹ ਦੀ ਵਿਸਾਵਦਰ ਸੀਟ 'ਤੇ 56.89 ਫ਼ੀਸਦੀ, ਜਦੋਂਕਿ ਜ਼ਿਲ੍ਹਾ ਮਹਿਸਾਣਾ ਦੀ ਕਾਡੀ 'ਚ 57.90 ਫ਼ੀਸਦੀ ਵੋਟਿੰਗ ਹੋਈ | ਪੱਛਮੀ ਬੰਗਾਲ ਦੇ ਜ਼ਿਲ੍ਹਾ ਨਾਦੀਆ ਦੇ ਕਾਲੀਗੰਜ 'ਚ 69.85 ਫ਼ੀਸਦੀ ਵੋਟਿੰਗ ਦਰਜ ਕੀਤੀ ਗਈ |
