ਨਵੀਂ ਦਿੱਲੀ, 23 ਅਕਤੂਬਰ (ਮਿਸਰਦੀਪ ਭਾਟੀਆ)-ਅੰਤਰਰਾਸ਼ਟਰੀ ਆਰੀਆ ਮਹਾਂ ਸੰਮੇਲਨ 2025 ਆਰੀਆ ਸਮਾਜ ਦੀ 150ਵੀਂ ਵਰ੍ਹੇਗੰਢ ਅਤੇ ਮਹਾਂਰਿਸ਼ੀ ਸਰਸਵਤੀ ਦੀ 200ਵੀਂ ਵਰ੍ਹੇਗੰਢ ਮਨਾਉਣ ਲਈ 30 ਅਕਤੂਬਰ ਤੋਂ 2 ਨਵੰਬਰ ਤੱਕ ਗੋਲਡਨ ਜੁਬਲੀ ਪਾਰਕ, ਰੋਹਿਣੀ ਸੈਕਟਰ-10, ਨਵੀਂ ਦਿੱਲੀ ਵਿਖੇ ਕਰਵਾਇਆ ਜਾਏਗਾ | ਇਸ ਸੰਮੇਲਨ ਵਿਚ 40 ਤੋਂ ਵੱਧ ਦੇਸ਼ਾਂ ਦੇ 70,000 ਤੋਂ ਜ਼ਿਆਦਾ ਡੈਲੀਗੇਟ, ਵਿਦਵਾਨ ਅਤੇ ਪ੍ਰਮੁੱਖ ਆਰੀਆ ਸਮਾਜ ਆਗੂ ਹਿੱਸਾ ਲੈਣਗੇ | ਗਿਆਨ ਜਯੋਤੀ ਪਰਵ ਦੇ ਪ੍ਰਧਾਨ ਐਸ.ਕੇ. ਆਰੀਆ ਨੇ ਕਿਹਾ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 31 ਅਕਤੂਬਰ ਨੂੰ ਅੰਤਰਰਾਸ਼ਟਰੀ ਆਰੀਆ ਮਹਾਂ ਸੰਮੇਲਨ ਦਾ ਉਦਘਾਟਨ ਕਰਨਗੇ | ਇਸ ਮੌਕੇ ਇੰਟਰਐਕਟਿਵ ਸੈਸ਼ਨਾਂ ਰਾਹੀਂ ਸਿੱਖਿਆ, ਸਮਾਜਿਕ ਸੁਧਾਰ, ਮਹਿਲਾ ਸਸ਼ਕਤੀਕਰਨ ਅਤੇ ਨਾਗਰਿਕ ਜ਼ਿੰਮੇਵਾਰੀ ਵਿਚ ਆਰੀਆ ਸਮਾਜ ਦੇ ਯੋਗਦਾਨ ਨੂੰ ਪ੍ਰਦਰਸ਼ਿਤ ਕਰੇਗਾ | ਸਹਿਯੋਗ ਅਤੇ ਸਹਿਭਾਗਿਤਾ ਦੀ ਇਹ ਭਾਵਨਾ ਆਰੀਆ ਸਮਾਜ ਦੀ ਸਦੀਵੀ ਵਿਰਾਸਤ ਨੂੰ ਦੁਨੀਆ ਵਿਚ ਅੱਗੇ ਵਧਾਉਣ ਵਿਚ ਸਹਾਇਕ ਸਿੱਧ ਹੋਵੇਗੀ |