ਮੋਗਾ, 19 ਜੂਨ (ਅਸ਼ੋਕ ਬਾਂਸਲ)-ਪੰਜਾਬ ਸਰਕਾਰ ਦੇ ਨੋਟੀਫ਼ਿਕੇਸ਼ਨ ਅਨੁਸਾਰ ਜ਼ਿਲ੍ਹਾ ਰੋਡ ਸੇਫ਼ਟੀ ਕਮੇਟੀ ਦਾ ਗਠਨ ਕੀਤਾ ਗਿਆ ਹੈ | ਇਸ ਦੇ ਚੇਅਰਮੈਨ ਡਿਪਟੀ ਕਮਿਸ਼ਨਰ ਮੋਗਾ ਹੋਣਗੇ ਜਦੋਂ ਕਿ ਐਸ.ਐਸ.ਪੀ. ਮੋਗਾ, ਐਸ.ਡੀ.ਐਮ., ਵੱਖ-ਵੱਖ ਵਿਭਾਗਾਂ ਦੇ ਐਕਸੀਅਨ, ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਰਿਜਨਲ ਟਰਾਂਸਪੋਰਟ ਅਥਾਰਿਟੀ ਮੋਗਾ, ਜੀ.ਐਮ. ਪੰਜਾਬ ਰੋਡਵੇਜ਼ ਮੋਗਾ, ਪ੍ਰੋਜੈਕਟ ਡਾਇਰੈਕਟਰ ਨੈਸ਼ਨਲ ਹਾਈਵੇ ਅਥਾਰਿਟੀ ਤੋਂ ਇਲਾਵਾ ਐਸ.ਕੇ. ਬਾਂਸਲ ਐਨ.ਜੀ.ਓ. ਨੂੰ ਇਸ ਦਾ ਮੈਂਬਰ ਲਿਆ ਗਿਆ ਹੈ | ਰਾਹੁਲ ਸ਼ਰਮਾ ਸੰਭਵ ਫਾਊਾਡੇਸ਼ਨ ਲੁਧਿਆਣਾ ਤੇ ਜਨਰਲ ਇੰਨਸ਼ੋਰੈਂਸ ਕੌਂਸਲ ਵਲੋਂ ਇਕ ਮੈਂਬਰ ਸ਼ਾਮਿਲ ਕੀਤਾ ਗਿਆ ਹੈ | ਇਹ ਕਮੇਟੀ ਹਰ ਮਹੀਨੇ ਮੀਟਿੰਗ ਕਰਿਆ ਕਰੇਗੀ |
