ਮੋਗਾ, 19 ਅਕਤੂਬਰ (ਅਸ਼ੋਕ ਬਾਂਸਲ)- ਨੇਚਰ ਪਾਰਕ ਮੋਗਾ ਵਿਖੇ ਲਿਖਾਰੀ ਸਭਾ ਦੀ ਮੀਟਿੰਗ ਜਨਰਲ ਸਕੱਤਰ ਪਰਮਜੀਤ ਸਿੰਘ ਚੂਹੜਚੱਕ ਦੀ ਪ੍ਰਧਾਨਗੀ ਹੇਠ ਹੋਈ | ਮੰਚ ਸੰਚਾਲਨ ਦੀ ਭੂਮਿਕਾ ਮੀਤ ਗੁਰਮੀਤ ਨੇ ਨਿਭਾਈ | ਸਾਹਿਤਕਾਰਾਂ ਨੇ ਦੇਸ਼ ਵਾਸੀਆਂ ਨੂੰ ਦੀਵਾਲੀ, ਬੰਦੀ ਛੋੜ ਦਿਵਸ ਤੇ ਵਿਸ਼ਵਕਰਮਾ ਦਿਵਸ ਦੀ ਵਧਾਈ ਦਿੰਦਿਆਂ ਸਭ ਲਈ ਸ਼ੁੱਭ ਇੱਛਾਵਾਂ ਭੇਜੀਆਂ | ਇਸ ਮੌਕੇ ਸਾਹਿਤਕਾਰਾਂ ਨੇ ਮਹਿਫ਼ਲ ਸਜਾਈ ਜਿਸ ਵਿਚ ਬਲਬੀਰ ਸਿੰਘ ਪਰਦੇਸੀ ਅਤੇ ਜੰਗੀਰ ਖੋਖਰ ਨੇ ਗ਼ਜ਼ਲਾਂ, ਸਾਹਿਤ ਦਾ ਬਾਬਾ ਬੋਹੜ ਜੋਧ ਸਿੰਘ ਮੋਗਾ ਨੇ ਸਾਹਿਤ ਦਾ ਟੈਸਟ ਰਚਨਾ, ਨਾਵਲਕਾਰ ਨਛੱਤਰ ਸਿੰਘ ਪ੍ਰੇਮੀ ਨੇ ਨਾਵਲ ਬਾਰੇ, ਪਰਮਜੀਤ ਸਿੰਘ ਚੂਹੜਚੱਕ ਨੇ ਸ਼ੇਅਰ, ਅਰਸ਼ਦੀਪ ਸਿੰਘ ਨੇ ਗੀਤ ਧੀਆਂ, ਠਾਣਾ ਸਿੰਘ ਜਲਾਲਾਬਾਦੀ, ਗੁਰਨਾਮ ਸਿੰਘ ਗਾਮਾ ਤੇ ਸੋਨੀ ਮੋਗਾ ਨੇ ਗੀਤ ਪੇਸ਼ ਕੀਤੇ | ਇਸ ਮੌਕੇ ਗੀਤਕਾਰ ਰਾਜਵੀਰ ਜਵੰਦਾ ਦੀ ਮੌਤ 'ਤੇ ਦੋ ਮਿੰਟ ਦਾ ਮੋਨ ਰੱਖਿਆ ਗਿਆ |
