ਮੋਗਾ, 23 ਦਸੰਬਰ (ਸੁਰਿੰਦਰਪਾਲ ਸਿੰਘ)-ਸੈਕਰਡ ਹਾਰਟ ਕਾਨਵੈਂਟ ਸਕੂਲ ਧੂੜਕੋਟ ਕਲਾਂ ਵਿਚ ਪੀ.ਟੀ.ਐਮ. ਵਾਲੇ ਦਿਨ ਡਾ. ਸਾਹਿਲ ਮੋਗਲਾ ਵਲੋਂ ਨੱਕ, ਕੰਨ, ਗਲੇ ਦੀ ਜਾਂਚ ਅਤੇ ਇਲਾਜ ਦਾ ਮੁਫ਼ਤ ਮੈਡੀਕਲ ਕੈਂਪ ਲਗਾਇਆ ਗਿਆ | ਇਸ ਦਿਨ ਮਾਪਿਆਂ ਦੁਆਰਾ ਬੱਚਿਆਂ ਦਾ ਸਰਦੀਆਂ ਦੀਆਂ ਛੁੱਟੀਆਂ ਦਾ ਕੰਮ ਲੈਣ ਦੇ ਨਾਲ-ਨਾਲ ਬੱਚਿਆਂ ਦਾ ਚੈੱਕਅਪ ਕਰਵਾਇਆ ਗਿਆ | ਸਕੂਲ ਦੇ ਪਿ੍ੰਸੀਪਲ ਮਨੀਸ਼ਾ ਗੋਇਲ ਨੇ ਬੱਚਿਆਂ ਤੇ ਮਾਪਿਆਂ ਨੂੰ ਇਸ ਕੈਂਪ ਦਾ ਵੱਧ ਤੋਂ ਵੱਧ ਲਾਭ ਲੈਣ ਲਈ ਹਦਾਇਤ ਦਿੱਤੀ | ਮੈਡਮ ਹਰਪ੍ਰੀਤ ਕੌਰ ਅਕੈਡਮਿਕ ਐਂਡ ਐਕਟੀਵਿਟੀ ਸਲਾਹਕਾਰ ਨੇ ਆਏ ਹੋਏ ਡਾ. ਸਾਹਿਲ ਮੋਗਲਾ ਦਾ ਧੰਨਵਾਦ ਕੀਤਾ | ਦਵਿੰਦਰਪਾਲ ਸਿੰਘ ਚੇਅਰਮੈਨ, ਕੁਲਦੀਪ ਸਿੰਘ ਸਹਿਗਲ ਪ੍ਰਧਾਨ ਤੇ ਸਮੁੱਚੀ ਮੈਨੇਜਮੈਂਟ ਨੇ ਇਸ ਤਰਾਂ ਦੇ ਮੈਡੀਕਲ ਕੈਂਪ ਲਾਉਣ ਲਈ ਵਚਨਬੱਧਤਾ ਪ੍ਰਗਟਾਈ |
