ਫ਼ਿਰੋਜ਼ਪੁਰ, 18 ਜੂਨ (ਕੁਲਬੀਰ ਸਿੰਘ ਸੋਢੀ)-ਟੀ.ਬੀ. ਮੁਕਤ ਭਾਰਤ ਮਿਸ਼ਨ ਨੂੰ ਸਮਰਪਿਤ ਇਕ ਵਿਸ਼ੇਸ਼ ਤਰਬੀਅਤੀ ਕੈਂਪ 'ਟੀ.ਬੀ. ਅਲਰਟ ਇੰਡੀਆ' (ਟੀਬੀ.ਏ.ਆਈ) ਅਤੇ 'ਕਰਨਾਟਕ ਹੈਲਥ ਸੰਵਰਧਨ ਟਰੱਸਟ' (ਕੇ.ਐੱਚ.ਪੀ.ਟੀ) ਦੇ ਸਹਿਯੋਗ ਨਾਲ ਫ਼ਿਰੋਜ਼ਪੁਰ ਵਿਚ ਕਰਵਾਇਆ ਗਿਆ | ਇਹ ਤਰਬੀਅਤ 'ਇੰਟੀਗ੍ਰੇਟਡ ਮਿਜ਼ਰਜ਼ ਇਨ ਪ੍ਰੀਵੈਨਸ਼ਨ ਐਂਡ ਕੇਅਰ ਫੋਰ ਟੀ.ਬੀ.' (ਇੰਪੈਕਟ) ਪ੍ਰਾਜੈਕਟ ਹੇਠ ਹੋਈ, ਜਿਸਦਾ ਮਕਸਦ ਟੀ.ਬੀ. ਤੋਂ ਬੱਚ ਚੁੱਕੇ ਲੋਕਾਂ ਨੂੰ ''ਟੀ.ਬੀ. ਚੈਂਪੀਅਨ'' ਵਜੋਂ ਤਿਆਰ ਕਰਕੇ ਸਮਾਜਿਕ ਪੱਧਰ 'ਤੇ ਜਾਗਰੂਕਤਾ ਫੈਲਾਉਣੀ ਸੀ | ਇਹ ਤਰਬੀਅਤ ਹੋਮ ਫਾਰ ਦਿ ਬਲਾਈਾਡ, ਫ਼ਿਰੋਜ਼ਪੁਰ ਵਿਖੇ ਹੋਈ | ਇਸ ਕੈਂਪ ਵਿਚ 30 ਪੇਂਡੂ ਟੀ.ਬੀ. ਸਰਵਾਈਵਰ ਨੇ ਹਿੱਸਾ ਲਿਆ | ਟੀ.ਬੀ. ਚੈਂਪੀਅਨਜ਼ ਨੂੰ ਸਿੱਖਿਆ ਦਿੱਤੀ ਗਈ ਕਿ ਉਹ ਟੀ.ਬੀ. ਦੀ ਜਲਦੀ ਪਹਿਚਾਣ, ਇਲਾਜ ਅਤੇ ਮਾਨਸਿਕ, ਆਰਥਿਕ ਸਮੱਸਿਆਵਾਂ ਦੇ ਹੱਲ ਵੱਲ ਲੋਕਾਂ ਦਾ ਧਿਆਨ ਖਿੱਚਣ | ਕੈਂਪ ਦੀ ਅਗਵਾਈ ਜ਼ਿਲ੍ਹਾ ਕੋਆਰਡੀਨੇਟਰ ਡਾ. ਅਮਨਪ੍ਰੀਤ ਅਰੋੜਾ ਨੇ ਕੀਤੀ, ਜਦਕਿ ਪੰਜਾਬ 'ਚ ਚੱਲ ਰਹੀ ਪ੍ਰਾਜੈਕਟ ਦੀ ਦੇਖਰੇਖ ਚੰਡੀਗੜ੍ਹ ਦੇ ਰਾਜ ਪ੍ਰਧਾਨ ਨੀਰਜ ਸਿੰਹਾ ਨੇ ਕੀਤੀ | ਸਿਵਲ ਸਰਜਨ ਅਤੇ ਡੀ.ਟੀ.ਓ. ਫ਼ਿਰੋਜ਼ਪੁਰ ਦੇ ਸਹਿਯੋਗ ਨਾਲ ਹੋਏ ਇਸ ਸਮਾਗਮ ਦੀ ਸ਼ੁਰੂਆਤ ਇਕ ਵਿਸ਼ੇਸ਼ ਮੀਟਿੰਗ ਨਾਲ ਹੋਈ ਜਿਸ ਵਿਚ ਟੀ.ਬੀ. ਉਨਮੂਲਨ ਯਤਨਾਂ 'ਤੇ ਵਿਸਥਾਰ ਨਾਲ ਗੱਲਬਾਤ ਹੋਈ |
