ਫ਼ਾਜ਼ਿਲਕਾ, 18 ਜੂਨ (ਦਵਿੰਦਰ ਪਾਲ ਸਿੰਘ)-ਅੰਤਰਰਾਸ਼ਟਰੀ ਯੋਗ ਦਿਵਸ ਦੇ ਸਬੰਧ ਵਿਚ ਬੀ.ਐੱਸ.ਐਫ. ਦੀ 19ਵੀਂ ਬਟਾਲੀਅਨ ਵੱਲੋਂ ਫ਼ਾਜ਼ਿਲਕਾ ਦੇ ਰਾਮਪੁਰਾ ਹੈੱਡ ਕੁਆਰਟਰ ਦੇ ਵਿਹੜੇ ਵਿਚ ਯੋਗ ਅਭਿਆਸ ਸੈਸ਼ਨ ਆਯੋਜਿਤ ਕੀਤਾ ਗਿਆ | ਇਸ ਯੋਗ ਸੈਸ਼ਨ ਵਿਚ ਡਿਪਟੀ ਕਮਾਡੈਂਟ ਘਨਸ਼ਿਆਮ ਸਿੰਘ ਅਤੇ ਪ੍ਰਭਾਤ ਕੁਮਾਰ ਭੁੱਟਾ ਦੀ ਅਗਵਾਈ ਹੇਠ ਬੀ.ਐੱਸ.ਐਫ. ਦੇ ਜਵਾਨਾਂ ਨੇ ਹਿੱਸਾ ਲਿਆ | ਪ੍ਰੋਗਰਾਮ ਵਿਚ ਫ਼ਾਜ਼ਿਲਕਾ ਦੇ ਸਰਵ ਧਰਮ ਯੋਗ ਸਾਧਨਾ ਕੇਂਦਰ ਦੇ ਪ੍ਰਧਾਨ ਸੁਰਿੰਦਰ ਮੁਲੜੀ ਦੇ ਨਾਲ ਨਾਲ ਕੇਂਦਰ ਦੇ ਹੋਰ ਮੈਂਬਰ ਅਸ਼ੋਕ ਜੁਨੇਜਾ, ਸਤੀਸ਼ ਛਾਬੜਾ, ਨਰੇਸ਼ ਬਜਾਜ, ਸੁੰਦਰ ਲਾਲ ਅਤੇ ਬੀ.ਐੱਸ.ਐਫ. ਦੇ ਪੁਰਾਣੇ ਸਾਥੀ ਲੀਲਾਧਰ ਸ਼ਰਮਾ ਨੇ ਵੀ ਯੋਗ ਅਭਿਆਸ ਕੀਤਾ | ਇਸ ਮੌਕੇ ਯੋਗ ਦੇ ਮਹੱਤਵ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ ਗਈ ਅਤੇ ਭਾਗੀਦਾਰਾਂ ਨੂੰ ਨਿਯਮਤ ਤੌਰ 'ਤੇ ਯੋਗ ਕਰਨ ਲਈ ਪ੍ਰੇਰਿਤ ਕੀਤਾ ਗਿਆ |
