ਪਿੰਡ ਮਹਿਦੂਦਾਂ ਦੀ ਮਹਿਲਾ ਸਰਪੰਚ ਵਿਰੁੱਧ ਬੀ. ਡੀ. ਪੀ. ਓ. ਦਫ਼ਤਰ ਅੱਗੇ ਧਰਨਾ

ਅ

ਅਜੀਤ ਡੈਸਕ 20-06-2025

ਸਮਰਾਲਾ, 19 ਜੂਨ (ਗੋਪਾਲ ਸੋਫਤ)-ਸਥਾਨਕ ਬੀ. ਡੀ. ਪੀ. ਓ. ਦਫ਼ਤਰ ਦੇ ਬਾਹਰ ਪਿੰਡ ਮਹਿਦੂਦਾਂ ਵਾਸੀਆਂ, ਮਨਰੇਗਾ ਮਜਦੂਰਾਂ, ਬਹੁਜਨ ਸਮਾਜ ਪਾਰਟੀ ਅਤੇ ਸੀਟੂ ਦੇ ਆਗੂਆਂ ਨੇ ਪਿੰਡ ਮਹਿਦੂਦਾਂ ਦੀ ਸਰਪੰਚ ਵਿਰੁੱਧ ਧਰਨਾ ਦਿੱਤਾ¢ ਸ਼ਿਕਾਇਤਕਰਤਾ ਬਲਵਿੰਦਰ ਸਿੰਘ ਨੇ ਕਿਹਾ ਕਿ ਪਿੰਡ ਮਹਿਦੂਦਾਂ ਦੀ ਮਹਿਲਾ ਸਰਪੰਚ ਅਤੇ ਉਸ ਦੇ 3 ਸਹਿਯੋਗੀ ਪੰਚ ਕਥਿਤ ਤੌਰ 'ਤੇ ਅਪਣੇ ਅਹੁਦੇ ਦੀ ਦੁਰਵਰਤੋਂ ਕਰ ਰਹੇ ਹਨ¢ ਉਨ੍ਹਾਂ ਦੋਸ਼ ਲਗਾਇਆ ਕਿ ਸਾਲ 2021 'ਚ ਉਸ ਨੇ ਮੇਟ ਦੇ ਅਹੁਦੇ ਦੀ ਦੁਰਵਰਤੋਂ ਕਰ ਕੇ ਜਾਲ੍ਹਸਾਜ਼ੀ ਕੀਤੀ ਹੈ¢ ਉਸ ਨੇ ਇਸ ਸਾਲ ਬੀਜਾ ਵਿਖੇ ਡੇਅਰੀ ਦੀ ਸਿਖਲਾਈ ਸਰਕਾਰੀ ਰਿਕਾਰਡ 'ਚ ਹਾਜ਼ਰੀ ਲਗਾ ਕੇ ਲਈ ਹੈ ਅਤੇ ਇਸ ਦੇ ਮਿਲੇ ਸਰਟੀਫਿਕੇਟ ਦਾ ਲਾਭ ਵੀ ਲਿਆ ਹੈ | ਜਦ ਕਿ ਏਸੇ ਸਮੇਂ ਦੌਰਾਨ ਉਸ ਨੇ ਸਾਹਨੇਵਾਲ ਰੇਲਵੇ ਲਾਈਨ 'ਤੇ ਮਨਰੇਗਾ ਦੇ ਸਰਕਾਰੀ ਰਿਕਾਰਡ 'ਚ ਹਾਜ਼ਰੀ ਲਗਾ ਕੇ ਕੰਮ ਵੀ ਕੀਤਾ ਹੈ ਅਤੇ ਉਸ ਦਾ ਮਿਹਨਤਾਨਾ ਵੀ ਪ੍ਰਾਪਤ ਕੀਤਾ ਹੈ, ਜੋ ਗ਼ਬਨ ਹੈ¢ ਦੂਜਾ ਅਜਿਹਾ ਹੀ ਘਪਲਾ ਉਸ ਦਾ ਮਨਰੇਗਾ ਦੇ 3 ਦਿਨਾਂ ਆਡਿਟ ਦੌਰਾਨ ਹੋਏ ਆਮ ਇਜਲਾਸ ਦੌਰਾਨ ਸਾਹਮਣੇ ਆਇਆ ਹੈ¢ ਸ਼ਿਕਾਇਤਕਰਤਾ ਨੇ ਦੋਸ਼ ਲਗਾਇਆ ਹੈ ਕਿ ਇਸ ਤੋਂ ਬਾਅਦ ਪਿੰਡ 'ਚ ਕੋਈ ਆਮ ਇਜਲਾਸ ਨਹੀਂ ਹੋਇਆ | ਪਰ ਅਪਣੀ ਪ੍ਰਧਾਨਗੀ ਵਿਚ ਫ਼ਰਜ਼ੀ ਆਮ ਇਜਲਾਸ ਦਿਖਾ ਕੇ ਪਿੰਡ ਦੀ ਨਵੀਂ ਮੇਟ ਚੁਣੀ ਹੈ ਜਿਸ ਦਾ ਖ਼ੁਲਾਸਾ ਉਸ ਵਲੋਂ ਨਵੀਂ ਮੇਟ ਨੂੰ ਚੁਣੇ ਜਾਣ ਦੀ ਆਰ ਟੀ ਆਈ ਰਾਹੀਂ ਪ੍ਰਾਪਤ ਜਾਣਕਾਰੀ ਤੋਂ ਹੋਇਆ ਕਿ ਸਰਪੰਚ ਅਤੇ ਉਸ ਦੇ 3 ਸਹਿਯੋਗੀ ਪੰਚਾਂ ਨੇ ਆਪਣੇ ਅਹੁਦੇ ਦੀ ਦੁਰਵਰਤੋਂ ਕੀਤੀ ਹੈ¢ ਜਦਕਿ ਪਿੰਡ ਦੇ 4 ਹੋਰ ਪੰਚਾਂ ਅਤੇ ਬਹੁਗਿਣਤੀ ਮਜ਼ਦੂਰਾਂ ਨੂੰ ਇਸ ਆਮ ਇਜਲਾਸ ਦੀ ਕੋਈ ਜਾਣਕਾਰੀ ਨਹੀਂ ਹੈ ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਉਸ ਵਲੋਂ ਇਸ ਬਾਬਤ ਬੀ. ਡੀ. ਪੀ. ਓ. ਅਤੇ ਮਨਰੇਗਾ ਵਿਭਾਗ ਨੂੰ ਲਿਖਤੀ ਸ਼ਿਕਾਇਤ ਦੇਣ ਤੋਂ ਇਲਾਵਾ ਵਾਰ ਵਾਰ ਦੱਸਿਆ ਜਾ ਚੁੱਕਾ ਹੈ | ਪਰ ਸਾਰੇ ਸਰਪੰਚ ਨਾਲ ਮਿਲੇ ਹੋਏ ਹਨ ਅਤੇ ਉਸ ਨੰੂ ਸਜਾ ਦੇਣ ਦੀ ਬਜਾਏ ਉਸ ਨੰੂ ਲਗਾਤਾਰ ਬਚਾ ਰਹੇ ਹਨ¢ ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਅੱਜ ਦੇ ਰੋਸ ਧਰਨੇ ਅਤੇ ਪੈੱ੍ਰਸ ਕਾਨਫ਼ਰੰਸ ਬਾਰੇ ਵੀ ਬੀ. ਡੀ. ਪੀ. ਓ. ਨੂੰ ਅਗਾੳਾੂ ਸੂਚਨਾ ਦੇ ਦਿੱਤੀ ਗਈ ਸੀ¢ ਉਨ੍ਹਾਂ ਕਿਹਾ ਕਿ ਜੇਕਰ ਸੰਬੰਧਿਤ ਅਧਿਕਾਰੀਆਂ ਖ਼ਿਲਾਫ਼ ਕੋਈ ਕਾਰਵਾਈ ਨਾ ਕੀਤੀ ਤਾਂ ਉਹ ਹਾਈਕੋਰਟ ਦਾ ਦਰਵਾਜਾ ਖੜਕਾਉਣ ਤੋਂ ਵੀ ਗੁਰੇਜ਼ ਨਹੀਂ ਕਰੇਗਾ¢ ਉਸ ਨੇ ਕਿਹਾ ਕਿ ਉਸ ਦੀ ਮੰਗ ਹੈ ਕਿ ਸਰਪੰਚ ਅਤੇ ਉਸ ਦੇ ਸਹਿਯੋਗੀਆਂ ਉੱਤੇ ਅਪਰਾਧਿਕ ਮਾਮਲਾ ਦਰਜ ਕਰਵਾ ਕੇ ਇਨ੍ਹਾਂ ਨੂੰ ਮੁਅੱਤਲ ਕੀਤਾ ਜਾਵੇ¢ ਬਸਪਾ ਦਿਹਾਤੀ ਦੇ ਜ਼ਿਲ੍ਹਾ ਪ੍ਰਧਾਨ ਹਰਭਜਨ ਸਿੰਘ ਦੁੱਲਮਾਂ, ਸਮਰਾਲਾ ਦੇ ਇੰਚਾਰਜ ਦਲਵੀਰ ਸਿੰਘ ਮੰਡਿਆਲਾ ਅਤੇ ਸੀਟੂ ਦੇ ਸੂਬਾ ਜਨਰਲ ਸਕੱਤਰ ਕਾਮਰੇਡ ਅਮਰਨਾਥ ਕੂੰਮ ਕਲਾਂ ਨੇ ਕਿਹਾ ਕਿ ਬਲਵਿੰਦਰ ਸਿੰਘ ਵਲੋਂ ਸਾਰਾ ਮਾਮਲਾ ਤੱਥਾਂ ਸਮੇਤ ਦੱਸਣ ਅਤੇ ਲਿਖਤੀ ਸ਼ਿਕਾਇਤ ਦੇਣ ਤੋਂ ਬਾਅਦ ਵੀ ਬੀ. ਡੀ. ਪੀ. ਓ. ਵਲੋਂ ਬਣਦੀ ਕਰਵਾਈ ਨਾ ਕੀਤੇ ਜਾਣਾ ਮੰਦਭਾਗਾ ਹੈ | ਪਰ ਅਸੀਂ ਬਲਵਿੰਦਰ ਸਿੰਘ ਨੂੰ ਸੜਕ ਤੋਂ ਲੈ ਕੇ ਅਦਾਲਤ ਤੱਕ ਹਰ ਪ੍ਰਕਾਰ ਦਾ ਸਹਿਯੋਗ ਦੇਵਾਂਗੇ¢ ਉਨ੍ਹਾਂ ਕਿਹਾ ਕਿ ਪੰਚਾਇਤ ਤੇ ਮਨਰੇਗਾ ਵਿਭਾਗ ਦੇ ਅਧਿਕਾਰੀਆਂ ਵਲੋਂ ਬੀ. ਡੀ. ਪੀ. ਓ. ਨਾਲ ਗੱਲ ਕਰ ਕੇ ਸਾਨੂੰ 25 ਜੂਨ ਨੂੰ ਕਾਰਵਾਈ ਦਾ ਭਰੋਸਾ ਦਿੱਤਾ ਗਿਆ ਹੈ | ਜੇਕਰ ਉਸ ਦਿਨ ਕੋਈ ਕਾਰਵਾਈ ਨਹੀਂ ਹੁੰਦੀ ਤਾਂ ਅਸੀਂ ਤਿੱਖਾ ਸੰਘਰਸ਼ ਉਲੀਕਣ ਤੋਂ ਗੁਰੇਜ਼ ਨਹੀਂ ਕਰਾਂਗੇ¢ ਇਸ ਮੌਕੇ ਮਨਰੇਗਾ ਮਜ਼ਦੂਰ ਪਿੰਡ ਵਾਸੀ ਵੀ ਹਾਜ਼ਰ ਸਨ¢
ਸਰਪੰਚ ਨਾਲ ਸੰਪਰਕ ਨਹੀਂ ਹੋ ਸਕਿਆ
ਜਦੋਂ ਸਰਪੰਚ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਦੱਸਿਆ ਗਿਆ ਉਹ ਕਿਤੇ ਬਾਹਰ ਗਏ ਹੋਏ ਹਨ ਅਤੇ ਦੇਰ ਰਾਤ ਵਾਪਸ ਪਰਤਣਗੇ¢ ਬੀ. ਡੀ. ਪੀ. ਓ. ਦਫ਼ਤਰ ਨਾਲ ਸੰਪਰਕ ਕਰਨ 'ਤੇ ਜਾਣਕਾਰੀ ਮਿਲੀ ਹੈ ਕਿ ਸ਼ਿਕਾਇਤ ਉੱਪਰ ਦੂਜੀ ਧਿਰ ਨੂੰ 25 ਜੂਨ ਤੱਕ ਜਵਾਬ ਦੇਣ ਲਈ ਕਿਹਾ ਗਿਆ ਹੈ ਅਤੇ ਵਿਭਾਗ ਸਰਪੰਚ ਦੇ ਜਵਾਬ ਉਪਰੰਤ ਤੱਥਾਂ ਦੇ ਆਧਾਰ 'ਤੇ ਫ਼ੈਸਲਾ ਲਵੇਗਾ¢

ਪਿੰਡ ਮਹਿਦੂਦਾਂ ਦੀ ਮਹਿਲਾ ਸਰਪੰਚ ਵਿਰੁੱਧ ਬੀ. ਡੀ. ਪੀ. ਓ. ਦਫ਼ਤਰ ਅੱਗੇ ਧਰਨਾ

Subscribers Only Story

ਸੰਬੰਧਿਤ ਖ਼ਬਰਾਂ