ਬਰਨਾਲਾ, 18 ਜੂਨ (ਰਾਜ ਪਨੇਸਰ)-ਟਰੱਕ ਦੇ ਕਾਗ਼ਜ਼ਾਤ, 20 ਹਜ਼ਾਰ ਰੁਪਏ ਕਿਰਾਇਆ ਅਤੇ ਬੈਟਰੇ ਚੋਰੀ ਕਰਨ ਵਾਲੇ ਡਰਾਈਵਰ ਖ਼ਿਲਾਫ਼ ਥਾਣਾ ਸਿਟੀ-1 ਬਰਨਾਲਾ ਪੁਲਿਸ ਵਲੋਂ ਇਕ ਮਾਮਲਾ ਦਰਜ ਕੀਤਾ ਗਿਆ ਹੈ | ਜਾਣਕਾਰੀ ਦਿੰਦਿਆਂ ਐਸ.ਐਚ.ਓ. ਲਖਵਿੰਦਰ ਸਿੰਘ ਨੇ ਦੱਸਿਆ ਕਿ ਮੱੁਦਈ ਸਾਹਿਲ ਬਾਂਸਲ ਪੱੁਤਰ ਪ੍ਰਮੋਦ ਕੁਮਾਰ ਵਾਸੀ ਬਰਨਾਲਾ ਨੇ ਪੁਲਿਸ ਕੋਲ ਬਿਆਨ ਦਰਜ ਕਰਵਾਏ ਕਿ ਉਸ ਨੇ ਕਰੀਬ 4 ਮਹੀਨੇ ਪਹਿਲਾਂ ਬੂਟਾ ਸਿੰਘ ਪੱੁਤਰ ਗੁਰਮੇਲ ਸਿੰਘ ਵਾਸੀ ਧਨੌਲਾ ਰੋਡ ਬਰਨਾਲਾ ਨੂੰ ਟਰੱਕ 'ਤੇ ਡਰਾਈਵਰ ਰੱਖਿਆ ਸੀ | ਜਿਸ ਨੂੰ ਟਰੱਕ ਲੋਡ ਕਰ ਕੇ ਸੂਰਤਗੜ੍ਹ ਵਿਖੇ 20 ਹਜ਼ਾਰ ਰੁਪਏ ਦੇ ਕੇ ਭੇਜਿਆ ਸੀ | ਜਿਸ ਨੇ ਵਾਪਸੀ 'ਤੇ ਟਰੱਕ ਅਨਾਜ ਮੰਡੀ ਬਰਨਾਲਾ ਵਿਖੇ ਖੜ੍ਹਾ ਕੀਤਾ ਤੇ ਟਰੱਕ ਦੇ ਕਾਗ਼ਜ਼ਾਤ, 20 ਹਜ਼ਾਰ ਰੁਪਏ ਕਿਰਾਇਆ, ਬੈਂਟਰੇ ਚੋਰੀ ਕਰ ਕੇ ਲੈ ਗਿਆ | ਉੱਧਰ ਪੁਲਿਸ ਕਾਰਵਾਈ ਅਨੁਸਾਰ ਮੱੁਦਈ ਦੇ ਬਿਆਨਾਂ ਦੇ ਆਧਾਰ 'ਤੇ ਡਰਾਈਵਰ ਬੂਟਾ ਸਿੰਘ ਖ਼ਿਲਾਫ਼ ਮਾਮਲਾ ਦਰਜ ਕਰ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |
