-ਵਿਸ਼ਵ ਬਲਿਟਜ਼ ਸ਼ਤਰੰਜ ਚੈਂਪੀਅਨਸ਼ਿਪ-ਏਰੀਗਾਸੀ ਨੇ ਕਾਰਲਸਨ ਨੂੰ ਹਰਾਇਆ

ਦੋਹਾ, 30 ਦਸੰਬਰ (ਪੀ.ਟੀ.ਆਈ.)-ਭਾਰਤ ਦੇ ਚੋਟੀ ਦੇ ਗ੍ਰੈਂਡਮਾਸਟਰ ਅਰਜੁਨ ਏਰੀਗਾਸੀ ਨੇ ਆਪਣੀ ਮਜ਼ਬੂਤ ਖੇਡ ਤੇ ਤੇਜ਼ ਗਣਨਾ ਦੇ ਹੁਨਰ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ, ਵਿਸ਼ਵ ਬਲਿਟਜ਼ ਸ਼ਤਰੰਜ ਚੈਂਪੀਅਨਸ਼ਿਪ ਦੇ ਪਹਿਲੇ ਦਿਨ ਵਿਸ਼ਵ ਦੇ ਨੰਬਰ ਇਕ ਮੈਗਨਸ ਕਾਰਲਸਨ ਨੂੰ ਹਰਾ ਕੇ ਸਾਂਝੀ ਬੜ੍ਹਤ ਹਾਸਲ ਕੀਤੀ | ਏਰੀਗਾਸੀ ਨੇ ਫਿਰ ਇਕ ਹੋਰ ਚੋਟੀ ਦੇ ਗ੍ਰੈਂਡਮਾਸਟਰ, ਨੋਡਿਰਬੇਕ ਅਬਦੁਸਤੋਰੋਵ ਨੂੰ ਹਰਾਇਆ ਤੇ ਤਿੰਨ ਹੋਰ ਗੇਮਾਂ ਡਰਾਅ ਕੀਤੀਆਂ | ਇਸ ਤਰ੍ਹਾਂ ਏਰੀਗਾਸੀ ਨੇ ਪਹਿਲੇ ਦਿਨ 10 ਅੰਕ ਪ੍ਰਾਪਤ ਕੀਤੇ ਤੇ ਮੈਕਸਿਮ ਵਾਚੀਅਰ-ਲਾਗਰੇਵ ਤੇ ਅਮਰੀਕੀ ਗ੍ਰੈਂਡਮਾਸਟਰ ਫੈਬੀਆਨੋ ਕਾਰੂਆਨਾ ਨਾਲ ਪਹਿਲੇ ਸਥਾਨ ਲਈ ਬਰਾਬਰ ਹੈ | ਅਰਜੁਨ ਏਰੀਗੈਸੀ ਤੋਂ ਹਾਰਨ ਤੋਂ ਬਾਅਦ, ਕਾਰਲਸਨ ਨੇ ਗੁੱਸੇ ਨਾਲ ਮੇਜ਼ 'ਤੇ ਆਪਣਾ ਹੱਥ ਮਾਰਿਆ, ਜਿਸਦਾ ਇਕ ਵੀਡੀਓ ਵੀ ਵਾਇਰਲ ਹੋ ਰਿਹਾ ਹੈ |