ਰਤੀਆ, 23 ਅਕਤੂਬਰ (ਬੇਅੰਤ ਕੌਰ ਮੰਡੇਰ)- ਫ਼ਤਿਹਾਬਾਦ ਜ਼ਿਲ੍ਹੇ ਦੇ ਵਸਨੀਕ ਪੰਜਾਬ ਅਤੇ ਹਰਿਆਣਾ ਦੇ ਹੜ੍ਹ ਪ੍ਰਭਾਵਿਤ ਖੇਤਰਾਂ ਲਈ ਹੜ੍ਹ ਰਾਹਤ ਸੇਵਾਵਾਂ ਵਿਚ ਸਰਗਰਮੀ ਨਾਲ ਦਾਨ ਸੇਵਾ ਕਰ ਰਹੇ ਹਨ | ਇਸ ਸਬੰਧ ਵਿਚ ਜਾਂਡਵਾਲਾ ਸੋਤਰ ਦੇ ਪਿੰਡ ਵਾਸੀ ਗੁਰਦੁਆਰਾ ਸ੍ਰੀ ਅਜੀਤਸਰ ਸਾਹਿਬ ਪਹੁੰਚੇ ਅਤੇ ਭਾਕਿਯੂ ਖੇਤੀ ਬਚਾਓ ਹਰਿਆਣਾ ਦੇ ਸੂਬਾਈ ਉਪ ਪ੍ਰਧਾਨ ਬੇਗ ਰਾਜ ਫੁੱਲਾਂ ਅਤੇ ਰਾਜਿੰਦਰ ਸਿੰਘ ਚਹਿਲ ਨੂੰ 57,000 ਰੁਪਏ ਨਕਦ ਦਾਨ ਕੀਤੇ | ਉਨ੍ਹਾਂ ਦੱਸਿਆ ਕਿ ਜਾਂਡਵਾਲਾ ਸੋਤਰ ਦੇ ਪਿੰਡ ਵਾਸੀਆਂ ਨੇ ਪਹਿਲਾਂ 175 ਮਣ ਕਣਕ, ਖੰਡ, ਚੌਲ ਤੇ ਹੋਰ ਰਾਸ਼ਨ ਸਮਗਰੀ ਦਾਨ ਕੀਤੀ ਸੀ |