ਕੋਲਕਾਤਾ, 25 ਦਸੰਬਰ (ਰਣਜੀਤ ਸਿੰਘ ਲੁਧਿਆਣਵੀ)-ਤਿ੍ਣਮੂਲ ਕਾਂਗਰਸ ਦੇ ਚਾਰ ਵਾਰ ਦੇ ਸੰਸਦ ਮੈਂਬਰ ਅਤੇ ਬੰਗਲੀ ਫਿਲਮਾਂ ਦੇ ਸੁਪਰ ਸਟਾਰ ਦੇਵ ਅਧਿਕਾਰੀ ਊਰਫ ਦੇਵ ਦੀ ਨਵੀਂ ਫਿਲਮ-ਪ੍ਰਜਾਪੋਤੀ-2 ਵਿਵਾਦਾਂ 'ਚ ਘਿਰ ਗਈ ਹੈ | ਦੇਵ ਇੰਟਰਟੇਨਮੈਂਟ ਤਹਿਤ ਫਿਲਮ ਦਾ ਨਿਰਮਾਣ ਕੀਤਾ ਗਿਆ ਹੈ | ਦਖੱਣੀ ਕੋਲਕਾਤਾ ਦੇ ਇਕ ਸਿਨੇਮਾਹਾਲ 'ਚ ਫਿਲਮ ਦਾ ਪੋਸਟਰ ਲਾਉਣ ਤੋਂ ਬਾਅਦ ਵੀ ਰਿਲੀਜ਼ ਨਹੀਂ ਕਰਨ ਦਾ ਫੈਸਲਾ ਕੀਤਾ | ਫਿਲਮ ਅੱਜ 25 ਦਸੰਬਰ ਰਿਲੀਜ਼ ਹੋਈ | ਫਿਲਮ ਦਾ ਪਹਿਲਾ ਭਾਗ-ਪ੍ਰਜਾਪੋਤੀ-ਵੀ ਵਿਵਾਦਾਂ 'ਚ ਸੀ ਅਤੇ ਕਿਉਂਕਿ ਫਿਲਮ ਨੂੰ ਸਰਕਾਰੀ ਸਿਨੇਮਾਹਾਲ ਨੰਦਨ 'ਚ ਨਹੀਂ ਵਿਖਾਇਆ ਗਿਆ ਸੀ | ਪ੍ਰਜਾਪੋਤੀ-2 'ਚ ਭਾਜਪਾ ਆਗੂ ਅਤੇ ਫਿਲਮ ਸਟਾਰ ਮਿûਨ ਚੱਕਰਵਰੀ ਦੇਵ ਦੇ ਪਿਤਾ ਦਾ ਰੋਲ ਕਰ ਰਹੇ ਹਨ | ਮਿਥੁਨ ਕਾਰਨ ਪ੍ਰਜਾਪੋਤੀ ਨੂੰ ਵੀ ਨਹੀਂ ਰਿਲੀਜ਼ ਕੀਤਾ ਗਿਆ ਸੀ | ਮਿûਨ ਨੇ ਇਕ ਪ੍ਰੈੱਸ ਕਾਨਫਰੰਸ 'ਚ ਕਿਹਾ ਕਿ ਬੰਗਾਲ ਨੂੰ ਪੱਛਮੀ ਬੰਗਲਾਦੇਸ਼ ਬਣਾਉਣ ਦੀ ਕੋਸ਼ਿਸ ਕੀਤੀ ਜਾ ਰਹੀ ਹੈ | ਤਿ੍ਣਮੂਲ ਆਗੂ ਕੁਣਾਲ ਘੋਸ਼ ਨੇ ਇਸ ਬਾਰੇ ਟਿੱਪਣੀ ਕਰਦਿਆਂ ਕਿਹਾ ਕਿ ਮਿûਨ ਬੰਗਾਲ ਨੂੰ ਬਦਨਾਮ ਕਰਨ ਵਾਲੇ ਬੀਜੇਪੀ ਦੇ ਏਜੰਡੇ 'ਤੇ ਚੱਲ ਰਹੇ ਹਨ | ਤਿ੍ਣਮੂਲ ਕਾਂਗਰਸ ਸੰਸਦ ਮੈਂਬਰ ਦੇਵ ਦੇ ਸਹਾਰੇ ਉਸਦਾ ਫਿਲਮੀ ਕੈਰੀਅਰ ਚਲ ਰਿਹਾ ਹੈ |
