ਜਲੰਧਰ, 16 ਜੂਨ (ਚੰਦੀਪ ਭੱਲਾ)-ਈਜ਼ੀ ਰਜਿਸਟਰੇਸ਼ਨ ਦੇ ਤਹਿਤ ਸਬ-ਰਜਿਸਟਰਾਰਾਂ ਦੇ ਦਫ਼ਤਰਾਂ ਨੂੰ ਨਵੀਂ ਦਿੱਖ ਦੇਣ ਦਾ ਕੰਮ ਤੇਜੀ ਨਾਲ ਚਲ ਰਿਹਾ ਹੈ ਤੇ ਇਸ ਦੇ ਤਹਿਤ ਅੱਜ ਪੀ.ਡਲਲਿਊ.ਡੀ ਦੇ ਕਰਮਚਾਰੀਆਂ ਵਲੋਂ ਸਾਰੇ ਕਮਰਿਆਂ ਦਾ ਨਰੀਖਣ ਕੀਤਾ ਗਿਆ ਤੇ ਨਾਲ ਹੀ ਏ.ਸੀ ਲਗਾਉਣ ਤੇ ਹੋਰ ਕੰਮ ਵੀ ਸ਼ੁਰੂ ਹੋ ਗਿਆ | ਪੁਰਾਣੇ ਢਾਂਚੇ ਨੂੰ ਤੋੜ ਕੇ ਨਵੇਂ ਢਾਂਚੇ ਦੀ ਉਸਾਰੀ ਦਾ ਕੰਮ ਤੇਜੀ ਨਾਲ ਚਲ ਰਿਹਾ ਹੈ ਤੇ ਅੱਜ ਕੈਬਿਨ ਬਣਾਉਣ ਦਾ ਕੰਮ ਵੀ ਸ਼ੁਰੂ ਹੋ ਗਿਆ | ਅੱਜ ਇਸ ਕੰਮ ਨੂੰ ਸ਼ੁਰੂ ਕਰਨ ਵਾਲੇ ਵਿਭਾਗ ਦੇ ਕਰਮਚਾਰੀਆਂ ਵਲੋਂ ਸਾਰੇ ਦਫ਼ਤਰਾਂ ਦਾ ਮਾਪ ਲਿਆ ਗਿਆ ਤੇ ਉਸੇ ਹਿਸਾਬ ਨਾਲ ਹੀ ਸਬ-ਰਜਿਸਟਰਾਰਾਂ ਦੇ ਬੈਠਣ ਦੀ ਥਾਂ ਵੀ ਤੈਅ ਕੀਤੀ ਜਾਵੇਗੀ, ਕਿਉਂ ਈਜ਼ੀ ਰਜਿਸਟਰੇਸ਼ਨ ਦੇ ਤਹਿਤ ਇੱਕੋ ਛੱਤ ਹੇਠ ਲੋਕਾਂ ਨੂੰ ਕਾਫੀ ਸਾਰੀਆਂ ਸਹੂਲਤਾਂ ਮਿਲਣਗੀਆਂ ਤਾਂ ਕਿ ਲੋਕਾਂ ਨੂੰ ਇੱਕ ਤੋਂ ਦੂਜੇ ਦਫਤਰਾਂ 'ਚ ਜਾ ਕੇ ਕੰਮ ਕਰਵਾਉਣ ਦੀ ਪ੍ਰੇਸ਼ਾਨੀ ਤੋਂ ਛੁਟਕਾਰਾ ਮਿਲ ਸਕੇ | ਦੱਸਿਆ ਜਾ ਰਿਹਾ ਹੈ ਕਿ ਇਹ ਕੰਮ 25 ਤੋਂ 35 ਲੱਖ 'ਚ ਪੂਰਾ ਹੋਵੇਗਾ |
