ਜਲੰਧਰ

ਬਿੱਲੀ ਚਾਓ ਵਿਖੇ ਡੇਰਾ ਮਲੰਗਾਂ ਦੇ ਦਰਬਾਰ 'ਤੇ ਸਾਲਾਨਾ ਮੇਲਾ ਕਰਵਾਇਆ <br/>

ਪਿੰਡ ਬਿੱਲੀ ਚਾਓ ਵਿਖੇ ਡੇਰਾ ਮਲੰਗਾਂ ਦੇ ਦਰਬਾਰ 'ਤੇ ਸਾਲਾਨਾ ਮੇਲੇ ਮੌਕੇ ਗੀਤ ਪੇਸ਼ ਕਰਦੀ ਬਾਲ ਗਾਇਕਾ ਨਮਰਤਾ ਸਾਦਿਕਪੁਰੀ ਅਤੇ (ਸੱਜੇ) ਸੇਵਾਦਾਰਾਂ ਦਾ ਸਨਮਾਨ ਕਰਦੇ ਪ੍ਰਬੰਧਕ | ਤਸਵੀਰਾਂ- ਸੁਖਦੀਪ ਸਿੰਘ <br/> 19-06-2025

ਮਲਸੀਆਂ, 18 ਜੂਨ (ਸੁਖਦੀਪ ਸਿੰਘ)-ਪਿੰਡ ਬਿੱਲੀ ਚਾਓ ਵਿਖੇ ਡੇਰਾ ਮਲੰਗਾਂ ਦੇ ਦਰਬਾਰ 'ਤੇ ਸਲਾਨਾ ਮੇਲਾ ਗੱਦੀ ਨਸ਼ੀਨ ਬੀਬੀ ਪਰਮਜੀਤ ਕੌਰ, ਮੁੱਖ ਸੇਵਾਦਾਰ ਸਰਦਾਰ ਮੁਹੰਮਦ, ਬਾਵੀ ਖੋਸਲਾ (ਯੂ.ਕੇ.) ਦੀ ਅਗਵਾਈ ਤੇ ਮੰਗਾ ਪਹਿਲਵਾਨ ਦੇ ਪਰਿਵਾਰ, ਬਿੱਲਾ ਪਹਿਲਵਾਨ, ਕੇਵਲ ਸਿੰਘ ਸੇਵਾਦਾਰ, ਖੋਸਲਾ ਪਰਿਵਾਰ (ਯੂ.ਕੇ.), ਲੋਕ ਗਾਇਕ ਪ੍ਰੀਤ ਕੰਠ ਤੇ ਸੰਗਤਾਂ ਦੇ ਸਹਿਯੋਗ ਨਾਲ ਕਰਵਾਇਆ ਗਿਆ | ਮੇਲੇ ਮੌਕੇ ਦਰਬਾਰ 'ਤੇ ਚਾਦਰ ਅਤੇ ਝੰਡਾ ਚੜ੍ਹਾਉਣ ਦੀ ਰਸਮ ਮੁੱਖ ਸੇਵਾਦਾਰ ਸਰਦਾਰ ਮੁਹੰਮਦ ਤੇ ਗੱਦੀ ਨਸ਼ੀਨ ਪਰਮਜੀਤ ਕੌਰ ਨੇ ਨਿਭਾਈ | ਦੁਪਹਿਰ ਤੋਂ ਸ਼ੁਰੂ ਹੋਈ ਸੱਭਿਆਚਾਰਕ ਸਟੇਜ 'ਤੇ ਕੱਵਾਲ ਪਾਰਟੀ ਬਸੀਰ ਖਾਨ ਮੋਗਾ ਨੇ ਦੋ ਘੰਟੇ ਦੇ ਕਰੀਬ ਆਪਣੇ ਸੂਫ਼ੀ ਕਲਾਮਾਂ ਰਾਹੀਂ ਸੰਗਤਾਂ ਨੂੰ ਅਧਿਆਤਮਿਕ ਰੰਗ 'ਚ ਰੰਗਿਆ | ਸੱਭਿਆਚਾਰਕ ਪ੍ਰੋਗਰਾਮ ਦੀ ਸ਼ੁਰੂਆਤ ਲੋਕ ਗਾਇਕ ਪ੍ਰੀਤ ਕੰਠ ਨੇ ਸੂਫ਼ੀ ਕਲਾਮ ਪੇਸ਼ ਕਰਕੇ ਕੀਤੀ, ਉਪਰੰਤ ਜੱਸਾ ਬੀਰ ਪਿੰਡ, ਸੁਭਾਸ਼ ਭੱਟੀ ਮੋਗਾ, ਦੀਪਕ ਸ਼ਾਹਕੋਟੀ, ਬਾਈ ਕੁਲਜੀਤ, ਦੁਆਬੇ ਦੀ ਪ੍ਰਸਿੱਧ ਡਿਊਟ ਜੋੜੀ ਚਰਨਜੀਤ ਚੀਮਾ ਤੇ ਸੁਰਿੰਦਰ ਨੂਰੀ, ਚਰਚਿਤ ਬਾਲ ਗਾਇਕਾ ਨਮਰਤਾ ਸਾਦਿਕਪੁਰੀ ਨੇ ਆਪਣੇ ਹਿੱਟ ਗੀਤਾਂ ਰਾਹੀਂ ਮੇਲੇ ਦੀ ਰੌਣਕ ਨੂੰ ਵਧਾਇਆ | ਇਸ ਮੌਕੇ ਨਾਮਵਰ ਸਖਸ਼ੀਅਤਾਂ 'ਚ ਸੱਭਿਆਚਾਰਕ ਮੇਲਿਆਂ ਦੇ ਬਾਦਸ਼ਾਹ ਤੇ ਗੀਤਕਾਰ ਗੁਰਨਾਮ ਸਿੰਘ ਵੀ ਹਾਜ਼ਰ ਰਹੇ | ਸਟੇਜ ਸੰਚਾਲਕ ਦੇ ਫਰਜ਼ ਬੂਟਾ ਫਤਹਿਪੁਰੀ ਨੇ ਸੁਚੱਜੇ ਢੰਗ ਨਾਲ ਨਿਭਾਏ |

ਪਿਛਲੀ ਖ਼ਬਰ ਸੰਮਤੀ ਚੋਣਾਂ ਇਕਜੁੱਟਤਾ ਨਾਲ ਲੜਾਂਗੇ-ਮੱਲ੍ਹੀ <br/> ਅਗਲੀ ਖ਼ਬਰ ਪੰਜਾਬ ਫੋਟੋਗ੍ਰਾਫਰਜ਼ ਐਸੋਸੀਏਸ਼ਨ ਇਕਾਈ ਸ਼ਾਹਕੋਟ ਵਲੋਂ 'ਫੋਟੋਗ੍ਰਾਫ਼ੀ ਮੇਲੇ' ਦਾ ਪੋਸਟਰ ਜਾਰੀ <br/>