ਜਲੰਧਰ, 19 ਜੂਨ (ਸ਼ਿਵ)-ਵਾਰਡ ਨੰਬਰ 27 ਤੇ 28 ਦੇ ਕੌਂਸਲਰ ਪ੍ਰਭਜੋਤ ਕੌਰ ਚੱਢਾ ਅਤੇ ਸ਼ੈਰੀ ਚੱਢਾ ਆਪਣੇ ਵਾਰਡ ਵਿਚ ਲੋੜਵੰਦਾਂ ਦੇ ਕੰਮ ਲਗਾਤਾਰ ਮੋਹਰੀ ਹੋ ਕੇ ਕਰਵਾ ਰਹੇ ਹਨ | ਉਕਤ ਕੌਂਸਲਰਾਂ ਨੇ ਦੱਸਿਆ ਕਿ ਉਨ੍ਹਾਂ ਵਲੋਂ ਹੁਣ ਤੱਕ ਸੈਂਕੜੇ ਲੋੜਵੰਦਾਂ ਦੇ ਕੰਮ ਕਰਵਾਏ ਜਾ ਚੁੱਕੇ ਹਨ ਤੇ ਅੱਜ ਵੀ ਵਿਧਵਾ ਤੇ ਬੁਢਾਪਾ ਪੈਨਸ਼ਨਾਂ ਵੰਡੀਆਂ ਗਈਆਂ | ਉਨ੍ਹਾਂ ਕਿਹਾ ਕਿ ਵਾਰਡਾਂ ਵਿਚ ਬਿਜਲੀ ਸਮੱਸਿਆ ਤੋਂ ਇਲਾਵਾ ਹੋਰ ਵੀ ਲੋਕਾਂ ਦੇ ਕੰਮ ਕਰਵਾਏ ਜਾ ਰਹੇ ਹਨ | ਉਨਾਂ ਕਿਹਾ ਕਿ ਨਿਗਮ ਨੂੰ ਵਿਕਾਸ ਦੇ ਕੰਮਾਂ ਲਈ ਹੋਰ ਵੀ ਤੇਜ਼ੀ ਦਿਖਾਉਣੀ ਚਾਹੀਦੀ ਹੈ ਤਾਂ ਜੋ ਲੋਕ ਪੇ੍ਰਸ਼ਾਨ ਨਾ ਹੋ ਸਕਣ |
