ਪੁਰਾਣੀ ਬਾਰਾਂਦਰੀ 'ਚ ਕੋਠੀ ਅੰਦਰੋਂ ਟੂਟੀਆਂ ਤੇ ਪਾਣੀ ਦੀ ਮੋਟਰ ਚੋਰੀ
ਅਜੀਤ ਡੈਸਕ
21-06-2025
ਜਲੰਧਰ, 20 ਜੂਨ (ਐੱਮ. ਐੱਸ. ਲੋਹੀਆ)-ਪੁਰਾਣੀ ਬਾਰਾਂਦਰੀ 'ਚ ਇਕ ਕੋਠੀ 'ਚੋਂ ਕਿਸੇ ਨੇ ਟੂਟੀਆਂ ਤੇ ਪਾਣੀ ਵਾਲੀ ਮੋਟਰ ਚੋਰੀ ਕਰ ਲਈ ਹੈ | ਜਾਣਕਾਰੀ ਅਨੁਸਾਰ ਮਾਣਯੋਗ ਵਧੀਕ ਸੈਸ਼ਨ ਜੱਜ ਨੂੰ ਅਲਾਟ ਹੋਈ ਇਸ ਕੋਠੀ 'ਚ ਮਰੰਮਤ ਦਾ ਕੰਮ ਚੱਲ ਰਿਹਾ ਸੀ | ਬੀਤੀ ਰਾਤ ਕਿਸੇ ਨੇ ਕੋਠੀ ਅੰਦਰ ਦਾਖ਼ਲ ਹੋ ਕੇ ਬਾਥਰੂਮਾਂ 'ਚ ਲੱਗੀਆਂ ਟੂਟੀਆਂ ਤੇ ਪਾਣੀ ਦੀ ਮੋਟਰ ਉਤਾਰ ਲਈ ਤੇ ਸਾਰਾ ਸਾਮਾਨ ਲੈ ਕੇ ਮੌਕੇ ਤੋਂ ਫਰਾਰ ਹੋ ਗਿਆ | ਵਾਰਦਾਤ ਸਬੰਧੀ ਉਸ ਵਕਤ ਪਤਾ ਲੱਗਾ, ਜਦੋਂ ਕੰਮ ਦੀ ਨਿਗਰਾਨੀ ਕਰਨ ਵਾਲੇ ਮੁਲਾਜ਼ਮ ਸਵੇਰ ਸਮੇਂ ਕੋਠੀ 'ਚ ਪਹੁੰਚੇ | ਮੁਲਾਜ਼ਮਾਂ ਨੇ ਵਾਰਦਾਤ ਸਬੰਧੀ ਥਾਣਾ ਡਵੀਜ਼ਨ ਨੰਬਰ 4 ਦੀ ਪੁਲਿਸ ਨੂੰ ਸੂਚਿਤ ਕੀਤਾ, ਜਿਸ ਤੋਂ ਬਾਅਦ ਪੁਲਿਸ ਵਲੋਂ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ |