17-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 21-06-2025

ਜਰਮਨੀ ਦੇ ਪ੍ਰਸਿੱਧ ਡਾ. ਅਲੋਇਸ ਫ੍ਰਾਂਜ਼ ਆਪਣੀ ਵਿਸ਼ੇੇਸ਼ ਫੇਰੀ 'ਤੇ ਆਰਥੋਨੋਵਾ ਹਸਪਤਾਲ ਪਹੁੰਚੇ

ਅਜੀਤ ਡੈਸਕ 21-06-2025
ਜਲੰਧਰ, 20 ਜੂਨ (ਐੱਮ. ਐੱਸ. ਲੋਹੀਆ)-ਜਰਮਨੀ ਦੇ ਪ੍ਰਸਿੱਧ ਡਾ. ਅਲੋਇਸ ਫ੍ਰਾਂਜ਼ ਆਪਣੀ ਵਿਸ਼ੇੇਸ਼ ਫੇਰੀ 'ਤੇ ਆਰਥੋਨੋਵਾ ਹਸਪਤਾਲ, ਜਲੰਧਰ ਆਏ | ਡਾ. ਅਲੋਇਸ ਫ੍ਰਾਂਜ਼ ਦਾ ਆਰਥੋਨੋਵਾ ਹਸਪਤਾਲ ਪਹੁੰਚਣ 'ਤੇ ਡਾ. ਹਰਪ੍ਰੀਤ ਸਿੰਘ, ਹਸਪਤਾਲ ਦੀ ਸੀ.ਈ.ਓ ਜਸਲੀਨ ਕੌਰ, ਡਾ. ਅਸ਼ਿਤਾ ਸਿੰਘ ਅਤੇ ਸਾਰੇ ਸਟਾਫ਼ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ | ਡਾ. ਅਲੋਇਸ ਫ੍ਰਾਂਜ਼ ਨੇ ਇਸ ਮੌਕੇ ਹਸਪਤਾਲ 'ਚ ਡਾ. ਹਰਪ੍ਰੀਤ ਸਿੰਘ ਵਲੋਂ ਕੀਤੇ ਗਏ 6 ਆਪ੍ਰੇਸ਼ਨਾਂ, ਖ਼ਾਸ ਕਰਕੇ ਰੋਬੋਟਿਕ ਗੋਡੇ ਬਦਲਣ ਤੇ ਐਂਡੋਸਕੋਪਿਕ ਸਪਾਈਨ ਸਰਜਰੀਆਂ 'ਚ ਹਿੱਸਾ ਲਿਆ | ਉਪਰੰਤ ਉਨ੍ਹਾਂ ਡਾ. ਹਰਪ੍ਰੀਤ ਸਿੰਘ ਦੇ ਕੰਮ ਦੀ ਪ੍ਰਸ਼ੰਸਾ ਕਰਦੇ ਹੋਏ ਕਿਹਾ ਕਿ ਆਰਥੋਨੋਵਾ ਹਸਪਤਾਲ 'ਚ ਕੀਤੇ ਜਾ ਰਹੇ ਗੋਡੇ ਬਦਲਣ ਦੇ ਆਪ੍ਰੇਸ਼ਨ ਉੱਚ ਪੱਧਰੀ ਹਨ | ਡਾ. ਅਲੋਇਸ ਫ੍ਰਾਂਜ਼ ਨੇ ਕਿਹਾ ਕਿ ਆਰਥੋਨੋਵਾ ਹਸਪਤਾਲ 'ਚ ਆ ਕੇ ਆਪ੍ਰੇਸ਼ਨ ਦੇਖਣਾ ਤੇ ਆਧੁਨਿਕ ਤਕਨੀਕ ਦੇ ਸਹੀ ਉਪਯੋਗ ਬਾਰੇ ਸਿੱਖਣਾ, ਉਨ੍ਹਾਂ ਲਈ ਬਹੁਤ ਮਾਣ ਵਾਲੀ ਗੱਲ ਹੈ | ਉਨ੍ਹਾਂ ਕਿਹਾ ਕਿ ਜੋੜ ਬਦਲਣ ਦੇ ਖੇਤਰ 'ਚ ਇੱਥੇ ਦਿੱਤੀਆਂ ਜਾ ਰਹੀਆਂ ਸਹੂਲਤਾਂ ਜਰਮਨੀ ਤੇ ਯੂ.ਕੇ. ਨਾਲੋਂ ਉੱਚ ਪੱਧਰ ਦੀਆਂ ਹਨ |
ਪਿਛਲੀ ਖ਼ਬਰ ਅੰਤਰ-ਰਾਸ਼ਟਰੀ ਗਤਕਾ ਦਿਵਸ ਅੱਜ ਮਨਾਇਆ ਜਾਵੇਗਾ-ਡਰੋਲੀ ਅਗਲੀ ਖ਼ਬਰ ਨਾਰੀ ਨਿਕੇਤਨ ਟਰੱਸਟ ਵਲੋਂ ਲਗਾਏ ਮੁਫ਼ਤ ਸਿਖਲਾਈ ਕੈਪ ਦੀ ਵਿਦਿਆਰਥੀਆਂ ਵਲੋਂ ਸ਼ਲਾਘਾ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।