ਮਾਨਸਾfff

ਕੰਨਿਆ ਸਕੂਲ ਦਾ ਮਾਮਲਾ ਲੋਕਾਂ ਦੀ ਸਹਿਮਤੀ ਨਾ ਹੋਣ 'ਤੇ ਅੱਜ ਵੀ ਸਿਰੇ ਨਾ ਚੜਿ੍ਹਆ <br/>

ਸਰਕਾਰੀ ਕੰਨਿਆ ਸਕੂਲ ਬੋਹਾ ਦੇ ਮਾਮਲੇ ਨੂੰ ਲੈ ਕੇ ਤਹਿਸੀਲਦਾਰ ਤੇ ਡੀ.ਈ.ਓ (ਸ.) ਮਾਨਸਾ ਜਗ੍ਹਾ ਸੰਬੰਧੀ ਗੱਲਬਾਤ ਕਰਦੇ ਹੋਏ | ਤਸਵੀਰ : ਰਮੇਸ਼ ਤਾਂਗੜੀ <br/> 19-06-2025

ਬੋਹਾ, 18 ਜੂਨ (ਰਮੇਸ਼ ਤਾਂਗੜੀ)- ਸਰਕਾਰੀ ਕੰਨਿਆ ਸੈਕੰਡਰੀ ਸਕੂਲ ਬੋਹਾ ਦੀ ਜ਼ਮੀਨ 'ਤੇ ਹੋਏ ਕਬਜ਼ੇ ਨੂੰ ਲੈ ਕੇ ਬੋਹਾ ਦੇ ਲੋਕਾਂ, ਬੱਚਿਆਂ ਦੇ ਮਾਪਿਆਂ ਅਤੇ ਸਕੂਲ ਸਟਾਫ਼, ਬੱਚੇ ਤੇ ਸਿੱਖਿਆ ਵਿਭਾਗ ਭਾਵੇਂ ਪੂਰੀ ਤਰ੍ਹਾਂ ਇਕ ਹੋ ਗਿਆ ਹੈ ਅਤੇ ਦੂਜੇ ਪਾਸੇ ਕਾਬਜ਼ ਧਿਰ ਸੁਰਿੰਦਰ ਕੁਮਾਰ, ਵਿਜੈ ਕੁਮਾਰ ਅਤੇ ਭਾਰਤ ਭੂਸ਼ਣ ਨੇ ਮਾਮਲਾ ਪੰਚਾਇਤ 'ਤੇ ਵੀ ਸੁੱਟ ਦਿੱਤਾ ਹੈ | ਉਨ੍ਹਾਂ ਕਿਹਾ ਕਿ 7-8 ਵਾਰ ਸਕੂਲ ਜਗ੍ਹਾ ਦੀ ਨਿਸ਼ਾਨਦੇਹੀ ਤੋਂ ਬਾਅਦ ਅਫ਼ਸਰਾਂ ਨੇ ਜੋ ਫ਼ੈਸਲਾ ਕੀਤਾ ਹੈ, ਉਹ ਉਨ੍ਹਾਂ ਵਲੋਂ ਮਨਜ਼ੂਰ ਕਰ ਲਿਆ ਗਿਆ ਹੈ ਪਰ ਮੌਜੂਦਾ ਸਮੇਂ ਪਿਛਲੇ ਸਾਰੇ ਫ਼ੈਸਲਿਆਂ ਨੂੰ ਉਲੱਦ ਕੇ 13 ਮਈ 2025 ਨੂੰ 8ਵੀਂ ਵਾਰ ਸਕੂਲ ਦੀ ਨਿਸ਼ਾਨਦੇਹੀ ਕਰਵਾਈ ਗਈ, ਜਿਸ ਲਈ ਮਾਲ ਵਿਭਾਗ ਵਲੋਂ 5 ਮੈਂਬਰੀ ਬਣਾਈ ਗਈ, ਜਿਸ 'ਚ ਮਨਬੀਰ ਸਿੰਘ ਢਿੱਲੋਂ ਤਹਿਸੀਲਦਾਰ ਬੁਢਲਾਡਾ, ਗਿਰਧਾਰੀ ਲਾਲ ਕਾਨੂੰਗੋ, ਗੁਰਮੀਤ ਸਿੰਘ ਪਟਵਾਰੀ ਅਤੇ ਨਾਇਬ ਤਹਿਸੀਲਦਾਰ ਰਾਜੀਵ ਖੋਸਲਾ ਬਰੇਟਾ ਨੇ ਸਕੂਲ ਸਥਾਨਕ 'ਤੇ ਪਹੁੰਚ ਕੇ ਕਾਰਵਾਈ ਕੀਤੀ | ਉਕਤ ਨਿਸ਼ਾਨਦੇਹੀ ਜੀ.ਪੀ.ਐਸ. ਮਸ਼ੀਨ ਰਾਹੀਂ ਪੱਥਰਾਂ ਤੋਂ ਪੱਥਰ ਲੱਭ ਕੇ ਜਨਤਾ ਮਾਰਕਿਟ ਦੇ ਗੇਟ 'ਚੋਂ 4 ਫੁੱਟ 7 ਇੰਚ ਜਗ੍ਹਾ 'ਤੇ ਠੱਡਾ ਲਗਾ ਕੇ ਸਕੂਲ ਨਾਲ ਜੋੜ ਦਿੱਤੀ | ਇਹ ਠੱਡਾ ਲਾਉਣ 'ਤੇ ਮੌਜੂਦ ਸਕੂਲ ਧਿਰ ਅਤੇ ਸਕੂਲ ਹਮਾਇਤੀ ਦਰਸ਼ਨ ਸਿੰਘ ਘਾਰੂ, ਰਾਜਵਿੰਦਰ ਸਿੰਘ ਦਈਆ ਸਮੇਤ ਸਕੂਲ ਪਿ੍ੰਸੀਪਲ ਤੇ ਸਿੱਖਿਆ ਵਿਭਾਗ ਦੇ ਅਧਿਕਾਰੀਆਂ ਨੇ ਇਸ ਫ਼ੈਸਲੇ 'ਤੇ ਅਸਹਿਮਤੀ ਪ੍ਰਗਟ ਕਰ ਕੇ ਨਾਂਹ ਕਰ ਦਿੱਤੀ | ਦੂਜੇ ਪਾਸੇ ਸੁਰਿੰਦਰ ਕੁਮਾਰ ਬਨਾਮ ਜਨਤਾ ਮਾਰਕਿਟ ਧਿਰ ਨੇ ਦੋਸ਼ ਲਗਾਇਆ ਕਿ ਉਨ੍ਹਾਂ ਕੋਰਟ ਦੇ ਫ਼ੈਸਲੇ ਮੁਤਾਬਿਕ ਸਾਰੀ ਕਾਰਵਾਈ ਨੂੰ ਸਹੀ ਮੰਨਿਆ ਪਰ ਫਿਰ ਵੀ ਵਾਰ ਵਾਰ ਨਿਸ਼ਾਨਦੇਹੀ ਕਿਸ ਗੱਲ ਲਈ ਕੀਤੀ ਜਾ ਰਹੀ ਹੈ | ਇਸ ਤਰ੍ਹਾਂ ਦੀ ਕਾਰਵਾਈ ਮਗਰੋਂ ਅੱਜ ਸਿੱਖਿਆ ਵਿਭਾਗ ਵਲੋਂ ਡੀ.ਈ.ਓ. (ਸ.) ਮਾਨਸਾ ਭੁਪਿੰਦਰ ਕੌਰ, ਡਿਪਟੀ ਡੀ.ਈ.ਓ. ਪਰਮਜੀਤ ਸਿੰਘ ਭੋਗਲ, ਹਰਿੰਦਰ ਸਿੰਘ ਭੁੱਲਰ ਅਤੇ ਪੂਰਾ ਸਟਾਫ਼ ਸਕੂਲ ਮੌਜੂਦ ਹੋਇਆ | ਇਸ ਮੌਕੇ ਨਗਰ ਪੰਚਾਇਤ ਬੋਹਾ ਵਲੋਂ ਕਮਲਦੀਪ ਸਿੰਘ ਬਾਵਾ, ਸੰਤੋਖ ਸਾਗਰ, ਦਲਜੀਤ ਸਿੰਘ ਨੰਬਰਦਾਰ, ਪਿ੍ੰ: ਮੇਘਾ ਸਿੰਘ ਆਦਿ ਹਾਜ਼ਰ ਸਨ | ਤਹਿਸੀਲਦਾਰ ਢਿੱਲੋਂ ਸਮੇਤ ਮਾਲ ਅਧਿਕਾਰੀਆਂ ਨੇ ਡੀ.ਈ.ਓ. (ਸ.) ਅਤੇ ਹੋਰ ਸਿੱਖਿਆ ਅਧਿਕਾਰੀਆਂ ਨੇ ਇਸ ਮਸਲੇ ਸਬੰਧੀ ਮੀਟਿੰਗ ਕੀਤੀ, ਜਿਸ 'ਤੇ ਸਕੂਲ ਧਿਰ ਨੇ ਕਿਸੇ ਵੀ ਨਵੇਂ ਠੱਡੇ 'ਤੇ ਸਹਿਮਤੀ ਪ੍ਰਗਟ ਕਰਨ ਤੋਂ ਨਾਂਹ ਕਰ ਦਿੱਤੀ | ਵਾਰ-ਵਾਰ ਗੱਲਬਾਤ ਕਰਨ 'ਤੇ ਡੀ.ਈ.ਓ. ਧਿਰ ਕਿਸੇ ਫ਼ੈਸਲੇ 'ਤੇ ਨਾ ਆਈ ਤਾਂ ਮੀਟਿੰਗ ਉਠਾ ਦਿੱਤੀ ਗਈ | ਇਸ ਮੌਕੇ ਵੱਡੀ ਗਿਣਤੀ ਪੁਲਿਸ, ਜੀ.ਪੀ.ਐਸ. ਮਸ਼ੀਨ ਅਤੇ ਜੇ.ਸੀ.ਬੀ. ਮਸ਼ੀਨਾਂ ਲਿਆਂਦੀਆਂ ਗਈਆਂ | ਭਾਵੇਂ ਮੁੱਢ 'ਚ ਮਾਹੌਲ ਤਣਾਓ ਬਣਿਆ ਹੋਇਆ ਸੀ ਪਰ ਪੁਲਿਸ ਨੇ ਚੌਕਸੀ ਵਰਤ ਕੇ ਲੋਕਾਂ ਨੂੰ ਸ਼ਾਂਤ ਕੀਤਾ | ਬਾਅਦ 'ਚ ਸਾਰੇ ਅਧਿਕਾਰੀ ਬੇਰੰਗ ਵਾਪਸ ਪਰਤ ਗਏ |

ਪਿਛਲੀ ਖ਼ਬਰ ਸ੍ਰੀ ਅਮਰਨਾਥ ਯਾਤਰਾ ਭੰਡਾਰੇ ਲਈ ਰਸਦ ਸਮੱਗਰੀ ਰਵਾਨਾ <br/> ਅਗਲੀ ਖ਼ਬਰ ਸਰਦੂਲਗੜ੍ਹ ਤੋਂ ਹਰਿਦੁਆਰ ਨੂੰ ਬੱਸ ਚਲਾਉਣ ਦੀ ਮੰਗ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਕੰਨਿਆ ਸਕੂਲ ਦਾ ਮਾਮਲਾ ਲੋਕਾਂ ਦੀ ਸਹਿਮਤੀ ਨਾ ਹੋਣ 'ਤੇ ਅੱਜ ਵੀ ਸਿਰੇ ਨਾ ਚੜਿ੍ਹਆ <br/>

Subscribers Only Story

ਸੰਬੰਧਿਤ ਖ਼ਬਰਾਂ