ਅਹਿਮਦਾਬਾਦ, 28 ਅਪ੍ਰੈਲ (ਪੀ. ਟੀ. ਆਈ.) 2027 ਦੀਆਂ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਗੁਜਰਾਤ ਵਿੱਚ ਆਪਣੇ ਜ਼ਮੀਨੀ ਆਧਾਰ ਨੂੰ ਮਜ਼ਬੂਤ ਕਰਨ ਦੇ ਆਮ ਆਦਮੀ ਪਾਰਟੀ (ਆਪ) ਦੇ ਯਤਨਾਂ ਨੂੰ ਬੂਰ ਪਿਆ ਹੈ¢ ਅਰਵਿੰਦ ਕੇਜਰੀਵਾਲ ਦੀ ਅਗਵਾਈ ਵਾਲੀ ਪਾਰਟੀ ਨੇ ਮੰਗਲਵਾਰ ਨੂੰ ਪਹਿਲੀ ਵਾਰ ਇੱਕ ਜ਼ਿਲ੍ਹਾ ਪੰਚਾਇਤ ਨਰਮਦਾ ਅਤੇ 12 ਤਾਲੁਕਾ ਪੰਚਾਇਤਾਂ ਜਿੱਤੀਆਂ ਹਨ | ਇਸ ਤੋਂ ਇਲਾਵਾ, ਗੁਜਰਾਤ ਵਿੱਚ ਸਥਾਨਕ ਸੰਸਥਾਵਾਂ ਵਿੱਚ ਪਾਰਟੀ ਦੀਆਂ ਸੀਟਾਂ ਦੀ ਗਿਣਤੀ 2021 ਦੀਆਂ ਚੋਣਾਂ ਦੇ ਮੁਕਾਬਲੇ ਕਈ ਗੁਣਾ ਵਧ ਗਈ ਹੈ | ਹੁਣ ਤੱਕ ਐਲਾਨੇ ਗਏ ਨਤੀਜਿਆਂ ਵਿੱਚ, 'ਆਪ' ਨੇ ਸਥਾਨਕ ਸੰਸਥਾਵਾਂ ਵਿੱਚ 350 ਤੋਂ ਵੱਧ ਸੀਟਾਂ ਜਿੱਤੀਆਂ ਹਨ, ਪਾਰਟੀ ਦੇ ਸੂਬਾ ਪ੍ਰਧਾਨ, ਇਸੂਦਾਨ ਗੜ੍ਹਵੀ ਨੇ ਇਹ ਦਾਅਵਾ ਕੀਤਾ ਹੈ | ਬੇਸ਼ੱਕ, ਸੂਰਤ ਨਗਰ ਨਿਗਮ ਵਿਚ ਇਸਦਾ ਪ੍ਰਦਰਸ਼ਨ ਉਮੀਦ ਤੋਂ ਘੱਟ ਰਿਹਾ, 2021 ਦੀਆਂ ਚੋਣਾਂ ਵਿੱਚ 27 ਸੀਟਾਂ ਦੇ ਮੁਕਾਬਲੇ ਇਸ ਵਾਰ ਸਿਰਫ ਇੱਕ ਅੰਕ 'ਚ ਹੀ ਸੀਟਾਂ ਜਿੱਤੀਆਂ | 'ਆਪ' ਨੇ ਨਗਰ ਨਿਗਮਾਂ ਸਮੇਤ ਵੱਖ-ਵੱਖ ਸਥਾਨਕ ਸੰਸਥਾਵਾਂ ਵਿੱਚ ਕੁੱਲ 5,445 ਉਮੀਦਵਾਰ ਖੜ੍ਹੇ ਕੀਤੇ | ਨਰਮਦਾ ਜ਼ਿਲ੍ਹਾ ਪੰਚਾਇਤ ਤੋਂ ਇਲਾਵਾ, ਅਰਵਿੰਦ ਕੇਜਰੀਵਾਲ ਦੀ ਅਗਵਾਈ ਵਾਲੀ ਪਾਰਟੀ ਨੇ ਵੱਖ-ਵੱਖ ਜ਼ਿਲਿ੍ਹਆਂ ਵਿੱਚ ਫੈਲੀਆਂ ਗਰੁਡੇਸ਼ਵਰ, ਚਿਕੜਾ, ਗੁਡੇਸ਼ਵਰ, ਵਾਲੀਆ, ਬਾਗਸਾਰਾ, ਲਾਲਪੁਰ, ਜੂਨਾਗੜ੍ਹ, ਪੋਸ਼ੀਨਾ, ਵਿਸਾਵਦਰ, ਸਾਗਬਾਰਾ, ਛੋਟਾ ਉਦੈਪੁਰ ਅਤੇ ਕੁਆਂਟ ਦੀਆਂ ਤਾਲੁਕਾ ਪੰਚਾਇਤਾਂ ਵੀ ਜਿੱਤੀਆਂ¢