ਹੇਮਕੁੰਟ ਸਾਹਿਬ ਦੀ ਯਾਤਰਾ ਦੌਰਾਨ ਸਭ ਤੋਂ ਛੋਟੀ ਉਮਰ ਦਾ ਸ਼ਰਧਾਲੂ ਗੁਰਫਤਿਹ ਸਿੰਘ ਵੀ ਸ਼ਾਮਿਲ ਹੋਇਆ, ਜਿਸ ਦੀ ਉਮਰ ਮਹਿਜ਼ 11 ਮਹੀਨੇ ਸੀ | ਪਿਤਾ ਸ਼ਿੰਦਰ ਸਿੰਘ ਅਤੇ ਮਾਤਾ ਮਨਪ੍ਰੀਤ ਕੌਰ ਵਾਸੀ ਭਿੱਖੀਵਿੰਡ ਜ਼ਿਲ੍ਹਾ ਅੰਮਿ੍ਤਸਰ ਨੇ ਦੱਸਿਆ ਕਿ ਉਨ੍ਹਾਂ ਦੇ ਲਾਡਲੇ ਦੀ ਉਮਰ ਅਜੇ 11 ਮਹੀਨਿਆਂ ਦੀ ਹੈ | ਪਿਤਾ ਸ਼ਿੰਦਰ ਸਿੰਘ ਨੇ ਦੱਸਿਆ ਕਿ ਉਸ ਨੇ ਹੇਮਕੁੰਟ ਸਾਹਿਬ ਵਿਖੇ ਪਿਛਲੇ ਸਾਲ ਪੁੱਤਰ ਦੀ ਦਾਤ ਲਈ ਅਰਦਾਸ ਕੀਤੀ ਸੀ, ਜੋ ਪੂਰੀ ਹੋਣ 'ਤੇ ਅੱਜ ਉਹ ਸ਼ੁਕਰਾਨਾ ਕਰਨ ਲਈ ਆਏ ਹਨ | ਉਨ੍ਹਾਂ ਦੱਸਿਆ ਕਿ ਇਸ ਕਠਿਨ ਯਾਤਰਾ ਦੌਰਾਨ ਟਰੱਸਟ ਵਲੋਂ ਪੂਰਨ ਸਹਿਯੋਗ ਦਿੱਤਾ ਗਿਆ |
