ਤਾਮਿਲਨਾਡੂ ’ਚ ਅਮੋਨੀਆ ਗੈਸ ਲੀਕ ਹੋਣ ਕਾਰਨ 7 �ਔਰਤਾਂ ਦੀ ਮੌਤ

ਥਿਰੂਵਲੂਰ, 21 ਜੂਨ (ਏਜੰਸੀ)-ਤਾਮਲਿਨਾਡੂ ਦੇ ਪੇਰੀਆਪਾਲਾਯਮ ਨੇੜੇ ਮੰਜਨਗਾਰਨਈ ’ਚ ਇਕ ਨਿੱਜੀ ਸੀਫ਼ੂਡ (ਸਮੁੰਦਰੀ ਭੋਜਨ ਤਿਆਰ ਕਰਨ ਵਾਲੀ) ਫੈਕਟਰੀ ‘ਚ ਅਮੋਨੀਆ ਗੈਸ ਲੀਕ ਹੋਣ ਨਾਲ ਵੱਡਾ ਹਾਦਸਾ ਵਾਪਰਆਿ ਹੈ। ਇਸ ਗੈਸ ਦੀ ਲਪੇਟ ’ਚ ਆਉਣ ਕਾਰਨ 7 �ਔਰਤਾਂ ਦੀ ਮੌਤ ਹੋ ਗਈ। ਜ਼ਿਲ੍ਹਾ ਕੁਲੈਕਟਰ ਐਸ. ਕਵਿਤਾ ਨੇ ਦੱਸਿਆ ਕਿ ਪ੍ਰਭਾਵਿਤ ਹੋਏ ਕੁੱਲ 67 ਮਜ਼ਦੂਰਾਂ ਨੂੰ ਤੁਰੰਤ ਸਥਾਨਕ ਮੈਡੀਕਲ ਕੇਂਦਰਾਂ ’ਚ ਪਹੁੰਚਾਇਆ ਗਿਆ। ਉਨ੍ਹਾਂ ਦੇ ਮੁਤਾਬਕ 46 ਮਜ਼ਦੂਰਾਂ ਦਾ ਇਲਾਜ ਵੇਲਸ ਹਸਪਤਾਲ ’ਚ ਅਤੇ 21 ਦਾ ਵੈਂਕਟੇਸ਼ਵਰ ਹਸਪਤਾਲ ’ਚ ਚੱਲ ਰਿਹਾ ਹੈ। ਗੰਭੀਰ 9 ਮਰੀਜ਼ਾਂ ਨੂੰ ਐਂਬੂਲੈਂਸਾਂ ਰਾਹੀਂ ਚੇਨਈ ਦੇ ਸਰਕਾਰੀ ਸਟੈਨਲੀ ਮੈਡੀਕਲ ਕਾਲਜ ਹਸਪਤਾਲ ’ਚ ਭੇਜਿਆ ਗਿਆ ਹੈ। ਇਕ ਹਸਪਤਾਲ ਦੇ ਸੀਨੀਅਰ ਡਾਕਟਰ ਨੇ ਦੱਸਿਆ ਕਿ ਜ਼ੇਰੇ ਇਲਾਜ ਮਜ਼ਦੂਰਾਂ ’ਚ ਬਹੁਤੀਆਂ 24-25 ਸਾਲ ਦੀ ਉਮਰ ਦੀਆਂ �ਔਰਤਾਂ ਹਨ।