ਨੀਟ ਦੀ ਮੁੜ ਪ੍ਰੀਖਿਆ ਦੇ ਨਤੀਜਿਆਂ ’ਚ ਵੀ ਭਾਰੀ ਗੜਬੜੀ, ਬੱਚੇ ਜਾਣ ਤਾਂ ਜਾਣ ਕਿੱਥੇ?–ਕੇਜਰੀਵਾਲ
ਅਜੀਤ ਡੈਸਕ
20-07-2026
ਨਵੀਂ ਦਿੱਲੀ, 19 ਜੁਲਾਈ (ਅਜੀਤ ਬਿਊਰੋ)-ਆਮ ਆਦਮੀ ਪਾਰਟੀ ਦੇ ਕੌਮੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਨੀਟ ਦੀ ਮੁੜ ਹੋਈ ਪ੍ਰੀਖਿਆ ਦੇ ਨਤੀਜਿਆਂ ’ਚ ਕਈ ਖਾਮੀਆਂ ਦੀਆਂ ਸ਼ਿਕਾਇਤਾਂ ਆਉਣ ‘ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ‘ਤੇ ਸਿੱਧਾ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਕਿਹਾ ਕਿ ਨੀਟ ਦੀ ਮੁੜ ਹੋਈ ਪ੍ਰੀਖਿਆ ਦੇ ਨਤੀਜਿਆਂ ’ਚ ਵੀ ਹੁਣ ਭਾਰੀ ਗੜਬੜੀ ਸਾਹਮਣੇ ਆ ਰਹੀ ਹੈ। ਵਿਚਾਰੇ ਬੱਚੇ ਜਾਣ ਤਾਂ ਜਾਣ ਕਿੱਥੇ? ਕਿਸੇ ਵਿਦਿਆਰਥੀ ਦੀ ਓ.ਐਮ.ਆਰ. ਸ਼ੀਟ ਬਦਲ ਦਿੱਤੀ ਗਈ ਹੈ ਤਾਂ ਕਿਸੇ ਦੀ ਸ਼ੀਟ ਕਿਸੇ ਹੋਰ ਵਿਦਿਆਰਥੀ ਦੇ ਨਾਂਅ ’ਤੇ ਪਾ ਦਿੱਤੀ ਗਈ ਹੈ। ਮੋਦੀ ਜੀ, ਤੁਹਾਡੇ ਤੋਂ ਇਕ ਇਮਤਿਹਾਨ ਸਹੀ ਤਰੀਕੇ ਨਾਲ ਨਹੀਂ ਹੋ ਰਿਹਾ। ਤੁਸੀਂ ਦੇਸ਼ ਕੀ ਚਲਾਓਗੇ? 12 ਸਾਲਾਂ ’ਚ ਤੁਸੀਂ ਦੇਸ਼ ਦਾ ਬੇੜਾ ਗਰਕ ਕਰ ਦਿੱਤਾ ਹੈ। ਤੁਸੀਂ ਲੋਕਾਂ ਦੀ ਬਿਲਕੁਲ ਨਿਕੰਮੀ ਤੇ ਅਸਮਰੱਥ ਸਰਕਾਰ ਹੈ।
