ਪ੍ਰਦਰਸ਼ਨਕਾਰੀ ਵਿਦਿਆਰਥੀ ਅੱਤਵਾਦੀ ਨਹੀਂ, ਸਰਕਾਰ ਉਨ੍ਹਾਂ ਨੂੰ ਪ੍ਰੇਸ਼ਾਨ ਕਰਨਾ ਬੰਦ ਕਰੇ-ਦਿਪਕੇ

ਛਤਰਪਤੀ ਸੰਭਾਜੀਨਗਰ, 29 ਜੁਲਾਈ (ਪੀ.ਟੀ.ਆਈ.)-ਕਾਕਰੋਚ ਜਨਤਾ ਪਾਰਟੀ (ਸੀ.ਜੇ.ਪੀ.) ਦੇ ਸੰਸਥਾਪਕ ਅਭਿਜੀਤ ਦਿਪਕੇ ਨੇ ਬੁੱਧਵਾਰ ਨੂੰ ਕਿਹਾ ਕਿ ਸਰਕਾਰ ਨੂੰ ਪ੍ਰਦਰਸ਼ਨਕਾਰੀ ਵਿਦਿਆਰਥੀਆਂ ਨੂੰ ਪ੍ਰੇਸ਼ਾਨ ਕਰਨਾ ਬੰਦ ਕਰਨਾ ਚਾਹੀਦਾ ਹੈ, ਉਹ ਅੱਤਵਾਦੀ ਨਹੀਂ ਦੇਸ਼ ਦਾ ਭਵਿੱਖ ਹਨ । ਉਨ੍ਹਾਂ ਇਹ ਵੀ ਕਿਹਾ ਕਿ ਜੇਕਰ ਸਰਕਾਰ ਲਾਈਨ ਵਿਚ ਨਹੀਂ ਆਈ ਤਾਂ ਨੌਜਵਾਨ ਸਰਕਾਰ ਨੂੰ ਬਦਲ ਦੇਣਗੇ । ਦਿਪਕੇ ਦਿੱਲੀ ਤੋਂ ਵਾਪਸ ਆਉਣ ਤੋਂ ਬਾਅਦ ਛਤਰਪਤੀ ਸੰਭਾਜੀਨਗਰ ਹਵਾਈ ਅੱਡੇ ’ਤੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰ ਰਹੇ ਸਨ। ਛਤਰਪਤੀ ਸੰਭਾਜੀਨਗਰ ਵਿਚ ਉਤਰਨ ਤੋਂ ਬਾਅਦ, ਦਿਪਕੇ ਨੇ ਕਿਹਾ ਕਿ ਉਹ ਖੁਸ਼ ਹਨ ਕਿ ਉਹ ਹੁਣ ਆਪਣੇ ਮਾਪਿਆਂ ਨੂੰ ਮਿਲ ਸਕਣਗੇ । ਮੈਂ ਲਗਭਗ 40 ਦਿਨਾਂ ਬਾਅਦ ਘਰ ਆ ਰਿਹਾ ਹਾਂ । 20 ਜੁਲਾਈ ਨੂੰ (ਸੰਸਦ ਮਾਰਚ ਦੌਰਾਨ) ਸੜਕਾਂ ‘ਤੇ ਵਿਦਿਆਰਥੀਆਂ ਦਾ ਖੂਨ ਡੁੱਲਿਆ ਸੀ। ਇਹ ਸੱਚਮੁੱਚ ਬੁਰਾ ਸੀ। ਕੀ ਇਹ ਕਾਫ਼ੀ ਨਹੀਂ ਸੀ, ਹੁਣ ਜਦੋਂ ਵਿਦਿਆਰਥੀਆਂ ਨੂੰ ਅਜੇ ਵੀ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਹੈ ?