ਦਸੂਹਾ, 14 ਫਰਵਰੀ (ਭੁੱਲਰ)-ਸਰਕਾਰੀ ਐਲੀਮੈਂਟਰੀ ਸਕੂਲ ਅੰਬਾਲਾ ਜੱਟਾਂ ਵਿਖੇ ਸਵ. ਰਾਜਿੰਦਰ ਸਿੰਘ ਢੱਟ ਦੀ ਯਾਦ ਵਿਚ ਉਨ੍ਹਾਂ ਦੇ ਪੁੱਤਰ ਜਸਵਿੰਦਰ ਸਿੰਘ ਢੱਟ (ਯੂ.ਐੱਸ.ਏ.) ਵਲੋਂ ਸਕੂਲ ਨੂੰ 20 ਹਜ਼ਾਰ ਰੁਪਏ ਦੀ ਮਾਲੀ ਸਹਾਇਤਾ ਦਿੱਤੀ ਗਈ | ਜਸਵਿੰਦਰ ਸਿੰਘ ਢੱਟ ਨੇ ਦੱਸਿਆ ਕਿ ਸਵ. ਰਜਿੰਦਰ ਸਿੰਘ ਢੱਟ ਜਿਨ੍ਹਾਂ ਦੀ ਉਮਰ 104 ਸਾਲ ਦੇ ਕਰੀਬ ਸੀ, ਉਨ੍ਹਾਂ ਨੂੰ ਇੰਗਲੈਂਡ ਦੀ ਮਹਾਰਾਣੀ ਵਲੋਂ ਦੂਸਰੇ ਵਿਸ਼ਵ ਯੁੱਧ 'ਚ ਆਪਣੇ ਪਾਏ ਯੋਗਦਾਨ ਕਰਕੇ ਪੰਜਾਬ ਰਤਨ ਦੇ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ ਸੀ | ਇਹੋ ਜਿਹਾ ਸਨਮਾਨ ਸਾਡੇ ਪੂਰੇ ਦੇਸ਼ ਲਈ ਬੜੇ ਮਾਣ ਦੀ ਗੱਲ ਹੈ | ਇਸ ਮੌਕੇ ਸਰਦਾਰ ਡਾਕਟਰ ਗੁਰਸੇਵਕ ਸਿੰਘ ਢੱਟ ਨੇ ਆਪਣੇ ਪਰਿਵਾਰਕ ਮੈਂਬਰਾਂ ਸ. ਪਰਮਿੰਦਰ ਸਿੰਘ ਢੱਟ ਅਤੇ ਜਗਰੂਪ ਕੌਰ ਢੱਟ (ਯੂ.ਕੇ.), ਬੂਟਾ ਸਿੰਘ ਢੱਟ (ਯੂ.ਐਸ.ਏ.), ਮਨਿੰਦਰਜੀਤ ਸਿੰਘ ਢੱਟ ਹਾਜ਼ਰ ਹੋਏ | ਸਕੂਲ ਮੁਖੀ ਸੁਖਵਿੰਦਰ ਕੌਰ ਅਤੇ ਜਸਵੀਰ ਸਿੰਘ ਬੋਦਲ ਅਧਿਆਪਕ ਵਲੋਂ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਗਿਆ | ਇਸ ਮੌਕੇ ਸਿਮਰਨਜੀਤ ਕੌਰ, ਹਰਵਿੰਦਰ ਕੌਰ, ਰਣਜੀਤ ਕੌਰ ਆਦਿ ਹਾਜ਼ਰ ਸਨ |
