ਹੁਸ਼ਿਆਰਪੁਰ, 7 ਮਾਰਚ (ਨਰਿੰਦਰ ਸਿੰਘ ਬੱਡਲਾ)-ਖ਼ਾਲਸਾ ਕੋ-ਐਜੂਕੇਸ਼ਨ ਸੀਨੀਅਰ ਸੈਕੰਡਰੀ ਸਕੂਲ ਬੱਡੋਂ ਵਿਖੇ ਚੱਲ ਰਹੀ ਫੁੱਟਬਾਲ ਅਕੈਡਮੀ ਦੇ ਚੀਫ਼ ਕੋਚ ਦਾ ਚਾਰਜ ਸੰਭਾਲਿਆ | ਇਸ ਮੌਕੇ ਸਕੂਲ ਵਿਖੇ ਹੋਏ ਸਮਾਗਮ 'ਚ ਸਕੂਲ ਦੀ ਕਮੇਟੀ ਦੇ ਸਮੂਹ ਮੈਂਬਰਾਂ, ਇਲਾਕੇ ਦੇ ਖੇਡ ਪ੍ਰੇਮੀਆਂ ਤੇ ਪ੍ਰਮੁੱਖ ਸ਼ਖ਼ਸੀਅਤਾਂ ਨੇ ਭਾਗ ਲਿਆ | ਇਸ ਮੌਕੇ ਸਕੂਲ ਦੀ ਕਮੇਟੀ ਦੇ ਮੈਂਬਰ ਜ਼ੈਲਦਾਰ ਦਵਿੰਦਰ ਸਿੰਘ ਗਿੱਲ ਖੈਰੜ, ਖੇਡ ਪ੍ਰਮੋਟਰ ਕ੍ਰਿਸ਼ਨ ਚੰਦ ਭਨੋਟ, ਰਿਟਾ. ਪਿੰ੍ਰ. ਜਗਮੋਹਣ ਸਿੰਘ, ਪਿੰ੍ਰ. ਸੁਖਇੰਦਰ ਸਿੰਘ ਮਿਨਹਾਸ ਨੇ ਕੋਚ ਪ੍ਰਵੀਨ ਕੁਮਾਰ ਸਰਹਾਲਾ ਕਲਾਂ ਨੂੰ ਚੀਫ਼ ਕੋਚ ਦਾ ਚਾਰਜ ਸੌਂਪਿਆ | ਇਸ ਮੌਕੇ ਨਵ-ਨਿਯੁਕਤ ਚੀਫ਼ ਕੋਚ ਪ੍ਰਵੀਨ ਕੁਮਾਰ ਨੇ ਸਾਰਿਆਂ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਉਹ ਆਪਣੀ ਜ਼ਿੰਮੇਵਾਰੀ ਇਮਾਨਦਾਰੀ ਤੇ ਤਨਦੇਹੀ ਨਾਲ ਨਿਭਾਉਣਗੇ | ਇਸ ਮੌਕੇ ਕਮੇਟੀ ਮੈਂਬਰ ਜਸਪ੍ਰੀਤ ਸਿੰਘ, ਹਰਵਿੰਦਰ ਸਿੰਘ ਬੀ. ਐੱਸ. ਐੱਫ. ਸੰਦੀਪ ਪਾਟਿਲ, ਤਰਲੋਚਨ ਸਿੰਘ, ਖੇਡ ਪ੍ਰਮੋਟਰ ਅਮਰੀਕ ਸਿੰਘ ਮੇਹਟੀਆਣਾ, ਲੈਕ. ਗੁਰਬੰਤ ਸਿੰਘ, ਨਵੀਨ ਕੁਮਾਰ, ਹਰਮੇਸ਼ ਕੁਮਾਰ ਬਿੱਲਾ ਸਰਹਾਲਾ ਕਲਾਂ, ਜਗਦੀਸ਼ ਸਿੰਘ ਆਦਿ ਸਮੇਤ ਖੇਡ ਪ੍ਰੇਮੀ ਹਾਜ਼ਰ ਸਨ |
