ਹੁਸ਼ਿਆਰਪੁਰ / ਮੁਕੇਰੀਆਂ

ਮੀਂਹ ਨਾਲ ਗਰਮੀ ਤੋਂ ਰਾਹਤ, ਝੋਨੇ ਦੀ ਲਵਾਈ ਨੇ ਫੜੀ ਤੇਜ਼ੀ

ਗੜ੍ਹਸ਼ੰਕਰ ਨੇੜਲੇ ਪਿੰਡ ਮਹਿਤਾਬਪੁਰ ਦੀ ਇਕ ਸੰਪਰਕ ਸੜਕ ਵਿਚ ਖੜ੍ਹਾ ਮੀਂਹ ਦਾ ਪਾਣੀ | (ਸੱਜੇ) ਮੀਂਹ ਤੋਂ ਬਾਅਦ ਗੜ੍ਹਸ਼ੰਕਰ ਦੇ ਨੰਗਲ ਚੌਂਕ ਨੇੜੇ ਪਾਣੀ ਖੜ੍ਹਨ ਨਾਲ ਸੜਕ ਦੀ ਬਣੀ ਤਰਸਯੋਗ ਹਾਲਤ | ਤਸਵੀਰਾਂ : ਧਾਲੀਵਾਲ <br/> 14-06-2026

ਗੜ੍ਹਸ਼ੰਕਰ, 13 ਜੂਨ (ਧਾਲੀਵਾਲ)-ਸਨਿਚਰਵਾਰ ਦੇ ਤੜਕਸਾਰ ਹਨੇਰੀ ਦੇ ਨਾਲ ਆਏ ਭਾਰੀ ਮੀਂਹ ਨਾਲ ਲੋਕਾਂ ਨੂੰ ਰਾਹਤ ਨਸੀਬ ਹੋਈ ਹੈ | ਇਲਾਕੇ 'ਚ ਜਿੱਥੇ ਤੇਜ਼ ਹਨੇਰੀ ਨੇ ਦਰੱਖਤਾਂ ਤੇ ਫਲੈਕਸ ਬੋਰਡਾਂ ਨੂੰ ਨੁਕਸਾਨ ਪਹੰੁਚਾ ਕੇ ਵੱਖ-ਵੱਖ ਸੜਕਾਂ 'ਤੇ ਆਵਾਜਾਈ ਨੂੰ ਪ੍ਰਭਾਵਿਤ ਕੀਤਾ ਉਥੇ ਹੀ ਲੋਕਾਂ ਨੂੰ ਗਰਮੀ ਤੋਂ ਵੱਡੀ ਰਾਹਤ ਬਣੀ ਹੈ | ਮੀਂਹ ਦਾ ਸਭ ਤੋਂ ਵੱਡਾ ਫ਼ਾਇਦਾ ਕਿਸਾਨਾਂ ਦੇਖਣ ਵਿਚ ਆ ਰਿਹਾ ਹੈ | ਇਲਾਕੇ 'ਚ 2-3 ਦਿਨਾਂ ਵਿਚ ਆਏ ਭਾਰੀ ਮੀਂਹ ਨੇ ਝੋਨੇ ਦੀ ਲਵਾਈ ਵਿਚ ਤੇਜ਼ੀ ਲਿਆ ਦਿੱਤੀ ਹੈ | ਮੀਂਹ ਕਾਰਨ ਬਿਜਲੀ ਦੀ ਖਪਤ ਘਟਣ ਕਰਕੇ ਬਿਜਲੀ ਸਪਲਾਈ 'ਚ ਵੀ ਸੁਧਾਰ ਦੇਖਣ ਨੂੰ ਮਿਲ ਰਿਹਾ ਹੈ | ਕਿਸਾਨਾਂ ਵਲੋਂ ਮੀਂਹ ਦਾ ਲਾਭ ਉਠਾਉਣ ਲਈ ਝੋਨੇ ਲਗਾਉਣ ਵਿਚ ਤੇਜ਼ੀ ਵਰਤੀ ਜਾ ਰਹੀ ਹੈ | ਮੌਸਮ ਵਿਚ ਤਬਦੀਲੀ ਹੋਣ ਨਾਲ ਝੋਨੇ ਦੀ ਲਵਾਈ ਲਈ ਲੇਬਰ ਦੀ ਵੀ ਕਮੀ ਮਹਿਸੂਸ ਕੀਤੀ ਜਾ ਰਹੀ ਹੈ | ਇਲਾਕੇ 'ਚ ਮੀਂਹ ਨਾਲ ਖਸਤਾ ਹਾਲਤ ਸੜਕਾਂ ਨੂੰ ਵੀ ਨੁਕਸਾਨ ਪਹੁੰਚਿਆ ਹੈ | ਨਵਾਂਸ਼ਹਿਰ ਸੜਕ 'ਚ ਛੱਪੜ ਵਰਗੇ ਹਾਲਾਤ ਵੇਖਣ ਨੂੰ ਮਿਲੇ ਹਨ | ਸ਼ਹਿਰ ਦੇ ਨੰਗਲ ਚੌਕ ਦੀ ਹਾਲਤ ਵੀ ਪਾਣੀ ਖੜ੍ਹਨ ਨਾਲ ਤਰਸਯੋਗ ਬਣੀ ਹੋਈ ਹੈ | ਇਸੇ ਤਰ੍ਹਾਂ ਸਥਾਨਕ ਸ਼ਹਿਰ ਤੇ ਇਲਾਕੇ ਦੇ ਕਈ ਪਿੰਡਾਂ ਵਿਚ ਪਾਣੀ ਦੇ ਯੋਗ ਨਿਕਾਸ ਦੀ ਘਾਟ ਕਾਰਨ ਸੜਕਾਂ ਤੇ ਗਲੀਆਂ 'ਚ ਮੀਂਹ ਦਾ ਪਾਣੀ ਖੜ੍ਹ ਵੇਖਣ ਨੂੰ ਮਿਲਿਆ ਹੈ |

ਪਿਛਲੀ ਖ਼ਬਰ ਨਗਰ ਕੌਂਸਲ ਸ਼ਾਮਚੁਰਾਸੀ ਦੇ ਚੋਣ ਨਤੀਜਿਆਂ 'ਚ 6 'ਚ 'ਆਪ', 2 'ਤੇ ਕਾਂਗਰਸ ਤੇ 1 'ਤੇ ਆਜ਼ਾਦ ਉਮੀਦਵਾਰ ਜੇਤੂ ਅਗਲੀ ਖ਼ਬਰ ਸ੍ਰੀ ਹੇਮਕੁੰਟ ਸਾਹਿਬ ਲਈ ਕਣਕ ਤੇ ਰਸਦ ਲੈ ਕੇ ਪਿੰਡ ਹਵੇਲੀ ਤੋਂ ਜਥਾ ਰਵਾਨਾ