ਹੁਸ਼ਿਆਰਪੁਰ, 2 ਜੁਲਾਈ (ਨਰਿੰਦਰ ਸਿੰਘ ਬੱਡਲਾ)- ਹੁਸ਼ਿਆਰਪੁਰ-ਫਗਵਾੜਾ ਮਾਰਗ ਉੱਤੇ ਰਹੀਮਪੁਰ ਵਿਚ ਸਥਿਤ ਦਾਣਾ ਮੰਡੀ (ਨਜ਼ਦੀਕ ਸੇਵਾ ਕੇਂਦਰ) ਵਿਚ ਮਹਿੰਦਰਾ ਜੈਨੂਅਨ ਪਾਰਟਸ ਦਾ ਐਕਸਕਲੂਸਿਵ ਸ਼ੋਅਰੂਮ (ਐਮ-ਸ਼ੌਪੀ) ਦਾ ਉਦਘਾਟਨ ਹੋਇਆ। ਇਸ ਮੌਕੇ ਕੰਪਨੀ ਦੇ ਜ਼ੋਨਲ ਹੈੱਡ ਸੁਮਿਤ ਛਾਹੀਰਾ, ਪਾਰਟਸ ਟੀ.ਐਮ. ਪੰਜਾਬ ਅਮਿੱਤ ਕੁਮਾਰ, ਆਇਲ ਟੀ.ਐਮ (ਪੰਜਾਬ, ਹਿਮਾਚਲ, ਜੰਮੂ ਤੇ ਕਸ਼ਮੀਰ) ਰਿਸ਼ਵ ਜੈਨ ਤੋਂ ਇਲਾਵਾ ਇੰਟਰਨੈਸ਼ਨਲ ਸਪੇਅਰਜ਼ ਜਲੰਧਰ ਦੇ ਐਮ.ਡੀ. ਵਰਧਾਨ ਭਾਰਦਵਾਜ ਨੇ ਵਿਸ਼ੇਸ਼ ਤੌਰ ’ਤੇ ਸ਼ਿਰਕਤ ਕੀਤੀ। ਇਸ ਮੌਕੇ ਕੰਪਨੀ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਟਰੈਕਟਰਾਂ ਦੀ ਦੁਨੀਆ ’ਚ ਮਹਿੰਦਰਾ ਵਿਸ਼ਵ ਪੱਧਰੀ ਬਰਾਂਡ ਹੈ ਅਤੇ ਕੰਪਨੀ ਦਾ ਹਰ ਸੰਭਵ ਯਤਨ ਹੈ ਕਿ ਉਹ ਆਪਣੇ ਗਾਹਕਾਂ ਨੂੰ ਅਸਲੀ ਪਾਰਟਸ ਆਸਾਨੀ ਨਾਲ ਮੁਹੱਈਆ ਕਰਵਾਏ। ਇਸੇ ਲੜੀ ਤਹਿਤ ਹੁਸ਼ਿਆਰਪੁਰ ਦਾਣਾ ਮੰਡੀ ’ਚ ਕੰਪਨੀ ਐਮ-ਸ਼ੌਪੀ ਐਕਸਕਲੂਸਿਵ ਸ਼ੋਅਰੂਮ ਖੋਲ੍ਹਿਆ ਗਿਆ ਹੈ। ਇਸ ਮੌਕੇ ਸ਼ੋਅਰੂਮ ਦੇ ਐਮ.ਡੀ. ਵਰਿੰਦਰ ਕੁਮਾਰ ਨੇ ਮਹਿਮਾਨਾਂ, ਮਕੈਨਿਕਾਂ ਅਤੇ ਕਿਸਾਨਾਂ ਦਾ ਸਵਾਗਤ ਕਰਦਿਆਂ ਕਿਹਾ ਕਿ ਸ਼ੋਅਰੂਮ ’ਚ ਮਹਿੰਦਰਾ ਟਰੈਕਟਰ ਦੇ ਅਸਲੀ ਪਾਰਟਸ ਮਿਲਣਗੇ ਜਿਸ ਦਾ ਇਲਾਕੇ ਦੇ ਮਕੈਨਿਕਾਂ ਅਤੇ ਕਿਸਾਨਾਂ ਨੂੰ ਲਾਭ ਮਿਲੇਗਾ। ਉਨ੍ਹਾਂ ਨੇ ਦੱਸਿਆ ਕਿ ਸ਼ੋਅਰੂਮ ਦੇ ਪਿੱਛੇ ਵਰਕਸ਼ਾਪ ਵੀ ਹੈ ਤਾਂ ਜੋ ਟਰੈਕਟਰ ਚਾਲਕਾਂ ਨੂੰ ਕਿਸੇ ਵੀ ਤਰ੍ਹਾਂ ਦੀ ਪ੍ਰੇਸ਼ਾਨੀ ਨਾ ਹੋਵੇ ਅਤੇ ਉਨ੍ਹਾਂ ਨੂੰ ਅਸਲੀ ਪਾਰਟਸ ਦੇ ਨਾਲ-ਨਾਲ ਹੋਰਨਾਂ ਸੇਵਾਵਾਂ ਦਾ ਲਾਭ ਲੈ ਸਕਣ।
