ਕੋਟਫ਼ਤੂਹੀ, 24 ਜੁਲਾਈ (ਅਵਤਾਰ ਸਿੰਘ ਅਟਵਾਲ)-ਪਿੰਡ ਅਜਨੋਹਾ ਦੇ ਬਿਸਤ ਦੁਆਬ ਨਹਿਰ ਵਾਲੇ ਪੁਲ ਨਜ਼ਦੀਕ ਸਵੇਰੇ ਸਾਢੇ 6 ਕੁ ਵਜੇ ਦੇ ਕਰੀਬ ਇੱਕ ਸੀਰੇ ਨਾਲ ਭਰਿਆ ਟੈਂਕਰ ਖਤਾਨਾਂ ਵਾਲੀ ਸਾਈਡ ਪਲਟ ਜਾਣ ਦੀ ਖ਼ਬਰ ਪ੍ਰਾਪਤ ਹੋਈ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਹ ਸੀਰੇ ਨਾਲ ਭਰਿਆ ਟੈਂਕਰ ਆਦਮਪੁਰ ਤੋਂ ਗੜ੍ਹਸ਼ੰਕਰ ਵੱਲ ਨੂੰ ਜਾ ਰਿਹਾ ਸੀ, ਜਿਸ ਵਿਚ ਗੁੜ ਵਾਲਾ ਸੀਰਾ ਭਰਿਆ ਹੋਇਆ ਸੀ, ਜਦੋਂ ਇਹ ਪੁਲ ਦੇ ਕਰੀਬ ਆਇਆ ਤਾ ਦੂਸਰੇ ਪਾਸਿਓਂ ਸਾਹਮਣੇ ਤੋਂ ਆ ਰਹੇ ਵਾਹਨ ਨੂੰ ਸਾਈਡ ਦਿੰਦੇ ਹੋਏ ਖਤਾਨਾਂ ਵੱਲ ਨੂੰ ਪਲਟ ਗਿਆ, ਜਦਕਿ ਡਰਾਈਵਰ ਦੇ ਮਾਮੂਲੀ ਸੱਟਾਂ ਲੱਗੀਆਂ ਉਸ ਦਾ ਬਚਾਅ ਰਿਹਾ।
