ਬੁੱਲ੍ਹੋਵਾਲ, 29 ਜੁਲਾਈ (ਲੁਗਾਣਾ)- ਪਿੰਡ ਮਿਰਜ਼ਾਪੁਰ ਦੇ ਇਕ ਜ਼ਿਮੀਂਦਾਰ ਦੇ ਖੇਤਾਂ ਵਿਚੋਂ 15 ਦੇ ਕਰੀਬ ਸਫ਼ੈਦੇ ਦੇ ਦਰਖਤ ਚੋਰੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਮਿਰਜ਼ਾਪੁਰ ਵਾਸੀ ਸੁਰਿੰਦਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੀ ਜ਼ਮੀਨ ਜੋ ਪਿੰਡ ਗੀਗਨਵਾਲ ਦੇ ਪੁਲ ਨਜ਼ਦੀਕ ਹੈ। ਇਸ ਵਿਚ ਲਗਾਏ ਸਫ਼ੈਦੇ ਦੇ ਦਰਖਤਾਂ ਵਿਚੋਂ 15 ਸਫ਼ੈਦੇ ਦੇ ਦਰਖਤ ਨੂੰ ਅਣਪਛਾਤੇ ਵਿਅਕਤੀਆਂ ਵੱਲੋਂ ਜਿਨ੍ਹਾਂ ਨੂੰ ਬੜੀ ਮਿਹਨਤ ਨਾਲ ਪਾਲਿਆ ਸੀ, ਨੂੰ ਚੋਰੀ ਕਰ ਲਏ ਗਏ ਹਨ ਜਿਸ ਕਾਰਨ ਉਸ ਦਾ 70 ਹਜ਼ਾਰ ਦੇ ਕਰੀਬ ਰੁਪਈਆਂ ਦਾ ਨੁਕਸਾਨ ਹੋ ਗਿਆ। ਇਸ ਚੋਰੀ ਸੰਬੰਧੀ ਪੁਲਿਸ ਥਾਣੇ ਸੂਚਿਤ ਕਰ ਦਿੱਤਾ ਗਿਆ ਹੈ।
