ਮਾਹਿਲਪੁਰ, 29 ਜੁਲਾਈ (ਰਜਿੰਦਰ ਸਿੰਘ)- ਬੀਤੇ ਦਿਨੀਂ ਇਕ ਐਕਟਿਵਾ ਚਾਲਕ ਲੜਕੀ ਵਲੋਂ ਪਿੰਡ ਟੂਟੋਮਜਾਰਾ ਦੇ ਇਕ ਵਿਅਕਤੀ ਨੂੰ ਟੱਕਰ ਮਾਰਨ ’ਤੇ ਜ਼ਖਮੀ ਹੋਏ ਵਿਅਕਤੀ ਦੀ ਮੌਤ ਹੋ ਗਈ। ਜਾਣਕਾਰੀ ਅਨੁਸਾਰ ਸੰਤੋਖ ਸਿੰਘ (62) ਪੁੱਤਰ ਦਰਸ਼ਨ ਸਿੰਘ ਪਿੰਡ ਟੂਟੋਮਜਾਰਾ ਆਪਣੀ ਐਕਟਿਵਾ ’ਤੇ ਲਾਗਲੇ ਪਿੰਡ ਤੋਂ ਸਵੇਰੇ ਅੱਠ ਕੁ ਵਜੇ ਦੁੱਧ ਲੈਣ ਵਾਸਤੇ ਗਿਆ ਤਾਂ ਵਾਪਸ ਆਉਂਦੇ ਸਮੇਂ ਪਿੰਡ ਡੰਡੇਵਾਲ ਦੇ ਬਾਹਰਵਾਰ ਇਕ ਵਿਅਕਤੀ ਕੋਲ ਖੜ੍ਹਾ ਹੋਇਆ ਕਿ ਇੰਨੇ ਹੀ ਸਮੇਂ ਵਿਚ ਇਕ ਐਕਟਿਵਾ ਚਾਲਕ ਇਕ ਲੜਕੀ ਜੋ ਬਹੁਤ ਤੇਜ਼ ਰਫ਼ਤਾਰ ਨਾਲ ਆ ਰਹੀ ਸੀ ਬੇਕਾਬੂ ਹੋਈ ਐਕਟਿਵਾ, ਖੜ੍ਹੇ ਸੰਤੋਖ ਸਿੰਘ ਵਿਚ ਲਿਆ ਮਾਰੀ ਤੇ ਸੰਤੋਖ ਸਿੰਘ ਗੰਭੀਰ ਜ਼ਖ਼ਮੀ ਹੋ ਗਿਆ ਜਿਸ ਨੂੰ ਤੁਰੰਤ ਹੁਸ਼ਿਆਰਪੁਰ ਦੇ ਇਕ ਨਿਜੀ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ ਜਿੱਥੇ ਡਾਕਟਰਾਂ ਨੇ ਜ਼ਖ਼ਮੀ ਦੀ ਗੰਭੀਰ ਹਾਲਤ ਦੇਖਦੇ ਹੋਏ ਤੁਰੰਤ ਪੀ.ਜੀ.ਆਈ. ਚੰਡੀਗੜ੍ਹ ਰੈਫ਼ਰ ਕਰ ਦਿੱਤਾ। ਜਿੱਥੇ ਅੱਜ ਸੰਤੋਖ ਸਿੰਘ ਦੀ ਮੌਤ ਹੋ ਗਈ। ਥਾਣਾ ਮਾਹਿਲਪੁਰ ਦੀ ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ ਵਿਚ ਲੈ ਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
