ਹੁਸ਼ਿਆਰਪੁਰ, 30 ਜੁਲਾਈ (ਹਰਪ੍ਰੀਤ ਕੌਰ)- ਹੁਸ਼ਿਆਰਪੁਰ ਰਿਟਾਇਰਡ ਮਿਊਂਸੀਪਲ ਕਰਮਚਾਰੀ ਯੂਨੀਅਨ ਦੀ ਮੀਟਿੰਗ ਹੋਈ। ਮੀਟਿੰਗ ਵਿੱਚ ਨਗਰ ਕੌਂਸਲਰ ਚੌਧਰੀ ਮੁਖੀ ਰਾਮ ਵਿਸ਼ੇਸ਼ ਤੌਰ ’ਤੇ ਸ਼ਾਮਲ ਹੋਏ। ਇਸ ਮੌਕੇ ਚੌਧਰੀ ਮੁਖੀ ਰਾਮ ਨੂੰ ਕੌਂਸਲਰ ਬਣਨ ’ਤੇ ਸਨਮਾਨਿਤ ਕੀਤਾ ਗਿਆ। ਉਨ੍ਹਾਂ ਦੀ ਪਤਨੀ ਗੁਰਬਖਸ਼ ਕੌਰ ਵੀ ਉਨ੍ਹਾਂ ਦੇ ਨਾਲ ਸਨ। ਯੂਨੀਅਨ ਦੇ ਪ੍ਰਧਾਨ ਜਗਮੀਤ ਸਿੰਘ ਸੇਠੀ ਨੇ ਦੱਸਿਆ ਕਿ ਚੌਧਰੀ ਮੁਖੀ ਰਾਮ ਲੰਬੇ ਸਮੇਂ ਤੋਂ ਆਪਣੇ ਵਾਸੀਆਂ ਦੀ ਸੇਵਾ ਕਰਦੇ ਰਹੇ ਹਨ ਜਿਸ ਨੂੰ ਦੇਖਦਿਆਂ ਵਾਰਡ ਵਾਸੀਆਂ ਨੇ ਉਨ੍ਹਾਂ ਨੂੰ ਦੂਜੀ ਵਾਰ ਕੌਂਸਲਰ ਬਣਨ ਦਾ ਮੌਕਾ ਦਿੱਤਾ ਹੈ। ਚੌਧਰੀ ਮੁਖੀ ਰਾਮ ਨੇ ਯੂਨੀਅਨ ਦੇ ਸਾਰੇ ਮੈਂਬਰਾਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਸਕੱਤਰ ਮੰਗਤ ਰਾਜ, ਮੀਤ ਪ੍ਰਧਾਨ ਵਿਜੇ ਕੁਮਾਰ, ਪ੍ਰੇਮ ਕੁਮਾਰ ਢੀਂਗਰਾ, ਚਮਨ ਸਿੰਘ, ਓਮ ਪ੍ਰਕਾਸ਼, ਕਸ਼ਮੀਰੀ ਲਾਲ, ਮੁਕਲ ਕੇਸਰ, ਰਮੇਸ਼ਵਰ ਸਿੰਘ, ਬਲਵੀਰ ਸਿੰਘ, ਰਵਿੰਦਰ ਦੱਤ, ਚੈਨ ਸਿੰਘ, ਰਿਖੀ ਰਾਮ, ਅਰੁਣ ਸੈਣੀ, ਸੋਹਣ ਲਾਲ, ਹੰਸ ਰਾਜ, ਬਲਦੇਵ ਸਿੰਘ, ਤੀਰਥ ਰਾਮ ਆਦਿ ਹਾਜ਼ਰ ਸਨ ।
