ਮੰਡੀ ਮੁੱਲਾਂਪੁਰ ਸਰਾਫ਼ਾ ਬਜ਼ਾਰ 4 ਦਿਨ ਲਈ ਬੰਦ

ਮੁੱਲਾਂਪੁਰ-ਦਾਖਾ, 17 ਜੂਨ (ਨਿਰਮਲ ਸਿੰਘ ਧਾਲੀਵਾਲ)- ਸਵਰਨਕਾਰ ਸੰਘ ਐਸੋ: ਮੰਡੀ ਮੁੱਲਾਂਪੁਰ (ਲੁਧਿ:) ਨਾਲ ਜੁੜੇ ਸੋਨੇ ਦਾ ਕੰਮ ਕਰਨ ਵਾਲੇ ਸਰਾਫ਼ ਚਾਰ ਦਿਨ ਦੁਕਾਨਾਂ ਬੰਦ ਰੱਖਣਗੇਂ। ਮੰਡੀ ਮੁੱਲਾਂਪੁਰ ‘ਚ ਸੋਨੇ ਵਾਲੀਆਂ ਦੁਕਾਨਾਂ ਬੰਦ ਹੋਣ ਸਬੰਧੀ ਜਾਣਕਾਰੀ ਦਿੰਦਿਆਂ ਐਸੋ: ਉੱਪ ਪ੍ਰਧਾਨ ਸਤਵਿੰਦਰਪਾਲ ਸਿੰਘ ਸੱਤੀ, ਪ੍ਰਧਾਨ ਕੁਲਦੀਪ ਸਿੰਘ ਰਾਜੂ ਜ਼ਿਊਲਰ ਦੱਸਿਆ ਕਿ ਗਰਮੀਆਂ ਦੇ ਦਿਨਾਂ ਵਿਚ ਹਰ ਸਾਲ ਵਾਂਗ 25-26-27 ਅਤੇ 28 ਜੂਨ ਸੋਨੇ, ਚਾਂਦੀ ਕਾਰੋਬਾਰੀ ਆਪਣੀਆਂ ਦੁਕਾਨਾਂ ਬੰਦ ਰੱਖਣਗੇਂ। ਸਤਵਿੰਦਰਪਾਲ ਸਿੰਘ ਸੱਤੀ ਵਲੋਂ ਆਮ ਲੋਕਾਂ ਨੂੰ ਅਪੀਲ ਕੀਤੀ ਕਿ ਵਿਆਹ-ਸ਼ਾਦੀ ਜਾਂ ਕੋਈ ਵੀ ਹੋਰ ਸੋਨੇ ਦੇ ਕੰਮ ਵਾਲਾ 4 ਛੁੱਟੀਆਂ ਨੂੰ ਧਿਆਨ ਵਿੱਚ ਰੱਖ ਕੇ 24 ਜੂਨ ਤੋਂ ਪਹਿਲਾਂ ਜਾਂ 28 ਜੂਨ ਤੋਂ ਬਾਅਦ ਸੰਪਰਕ ਕੀਤਾ ਜਾਵੇ।