ਦਰਿਆ ਸਤਲੁਜ ਦੇ ਬੰਨ੍ਹ ਉੱਤੇ ਲੁਟੇਰੇ ਇਕ ਬਜ਼ੁਰਗ ਤੋਂ ਚੁਸਤੀ ਨਾਲ ਮੋਬਾਈਲ ਲੈ ਕੇ ਫ਼ਰਾਰ

ਸਿੱਧਵਾਂ ਬੇਟ, 7 ਅਕਤੂਬਰ (ਜਸਵੰਤ ਸਿੰਘ ਸਲੇਮਪੁਰੀ)-ਬੇਟ ਇਲਾਕੇ ਦੇ ਪਿੰਡਾਂ ਵਿੱਚ ਲੋਕਾਂ ਦੇ ਹੱਥਾਂ ਵਿਚੋਂ ਮੋਬਾਇਲ ਖੋਹ ਕੇ ਫ਼ਰਾਰ ਹੋਣ ਵਾਲਾ ਲੁਟੇਰਾ ਗਿਰੋਹ ਪੂਰੀ ਤਰ੍ਹਾਂ ਸਰਗਰਮ ਹੈ ਜੋ ਅਜੇ ਤੱਕ ਪੁਲਿਸ ਦੇ ਅੜਿੱਕੇ ਨਹੀਂ ਆ ਸਕਿਆ। ਅੱਜ ਫਿਰ ਦਰਿਆ ਸਤਲੁਜ ਲਾਗਲੇ ਪਿੰਡ ਖੁਰਸ਼ੈਦਪੁਰਾ ਦੇ ਡੇਰਾ ਨਿਹੰਗਾਂ ਵਾਲਾ ਦੇ ਇਕ ਬਜ਼ੁਰਗ ਵਿਅਕਤੀ ਤੋਂ ਮੋਟਰਸਾਈਕਲ ’ਤੇ ਸਵਾਰ ਦੋ ਲੁਟੇਰੇ ਬੜੀ ਚੁਸਤੀ ਨਾਲ ਉਸ ਦਾ ਮੋਬਾਇਲ ਲੈ ਕੇ ਫ਼ਰਾਰ ਹੋ ਗਏ।