ਬੰਗਾ, 11 ਮਈ (ਕਰਮ ਲਧਾਣਾ)-ਰਾਜ ਕੁਮਾਰ ਜਾਡਲੀ ਪ੍ਰਧਾਨ ਜ਼ਿਲ੍ਹਾ ਯੂਨੀਅਨ ਦੀ ਅਗਵਾਈ ਹੇਠ ਬਲਾਕ ਬੰਗਾ ਤੇ ਬਲਾਕ ਔੜ ਵਲੋਂ ਸਕੇਲ ਆਫ ਫਾਈਨੈਂਸ ਸੰਬੰਧੀ ਡਾ. ਸੁਖਵਿੰਦਰ ਸੁੱਖੀ ਵਿਧਾਇਕ ਹਲਕਾ ਬੰਗਾ ਨੂੰ ਜਾਣੂੰ ਕਰਵਾਇਆ ਅਤੇ ਇਸ ਸੰਬੰਧੀ ਮੰਗ-ਪੱਤਰ ਦਿੱਤਾ ਗਿਆ ਤਾਂ ਜੋ ਕਿਸਾਨਾਂ ਤੇ ਸਭਾਵਾਂ ਦੀਆਂ ਹੱਕੀ ਮੰਗਾਂ ਸਰਕਾਰ ਤੱਕ ਪੁੱਜ ਸਕਣ | ਡਾ. ਸੁਖਵਿੰਦਰ ਸੁੱਖੀ ਨੂੰ ਓਨ ਫੰਡ ਸਭਾਵਾਂ ਤੇ ਗੈਰ ਜਰਾਇਤੀ ਮੈਂਬਰਾਂ ਦੇ ਕਰਜ਼ੇ ਮੁਆਫ ਨਾ ਹੋਣ ਸੰਬੰਧੀ ਵੀ ਵਿਚਾਰਾਂ ਕੀਤੀਆਂ ਗਈਆਂ | ਡਾਕਟਰ ਸੁਖਵਿੰਦਰ ਸੁੱਖੀ ਵਲੋਂ ਬਹੁਤ ਹੀ ਸੁਖਾਵੇਂ ਮਾਹੌਲ 'ਚ ਯੂਨੀਅਨ ਦੇ ਨਾਲ ਵਿਚਾਰ ਵਟਾਂਦਰਾ ਕੀਤਾ | ਉਨ੍ਹਾਂ ਵਲੋਂ ਭਰੋਸਾ ਦਿੱਤਾ ਗਿਆ ਕਿ ਜਿੰਨੀ ਵੀ ਜਲਦੀ ਹੋ ਸਕਿਆ ਇਸ ਮੁੱਦੇ ਨੂੰ ਮੈਂ ਪਹਿਲ ਦੇ ਆਧਾਰ 'ਤੇ ਭਗਵੰਤ ਮਾਨ ਮੁੱਖ ਮੰਤਰੀ ਪੰਜਾਬ ਨੂੰ ਜਲਦੀ ਹੀ ਮਿਲ ਕੇ ਹੱਲ ਕਰਵਾਉਣ ਦਾ ਪੂਰਨ ਭਰੋਸਾ ਜਿਤਾਇਆ | ਇਸ ਮੌਕੇ ਰਾਜ ਕੁਮਾਰ ਪ੍ਰਧਾਨ ਜ਼ਿਲ੍ਹਾ ਯੂਨੀਅਨ, ਸ਼ਿੰਗਾਰਾ ਲੰਗੇਰੀ ਜਨਰਲ ਸਕੱਤਰ ਪੰਜਾਬ, ਪਰਮਿੰਦਰ ਕਲੇਰਾਂ ਸਾਬਕਾ ਪ੍ਰਧਾਨ, ਕੁਲਤਾਰ ਸਿੰਘ ਪ੍ਰਧਾਨ ਬਲਾਕ ਔੜ, ਸੀਨੀਅਰ ਸਕੱਤਰ ਅਮਰਜੀਤ ਸਿੰਘ ਜੀਂਦੋਵਾਲ, ਮਨਜੀਤ ਸਿੰਘ ਪਠਲਾਵਾ, ਮਨਦੀਪ ਸਿੰਘ ਜੰਡਿਆਲਾ, ਰਾਜ ਕੁਮਾਰ ਕਜਲਾ, ਪਰਮਜੀਤ ਸਿੰਘ ਮੰਗੂਵਾਲ, ਜਗਜੀਤ ਸਿੰਘ ਫਰਾਲਾ, ਗੁਰਪ੍ਰੀਤ ਸੁਮਨ, ਸੁਖਵਿੰਦਰ ਸਿੰਘ ਲਧਾਣਾ ਉੱਚਾ, ਰਾਜਵਿੰਦਰ ਸਿੰਘ ਬਾਹੜੋਵਾਲ, ਸਤਨਾਮ ਸਿੰਘ ਰਾਏਪੁਰ ਡੱਬਾ, ਜਸਪ੍ਰੀਤ ਸਿੰਘ ਭੂਤਾਂ, ਰਣਜੀਤ ਸਿੰਘ ਰਹਿਪਾ, ਮਨੋਹਰ ਮਹਿਲ ਗਹਿਲਾ, ਹੱਪੋਵਾਲ ਤੋਂ ਲਖਵਿੰਦਰ ਸਿੰਘ ਜੀ ਹਾਜ਼ਰ |
