ਕਟਾਰੀਆਂ, 4 ਜੂਨ (ਪ੍ਰੇਮੀ ਸੰਧਵਾਂ)-ਧਾਰਮਿਕ ਖਿਆਲਾਂ ਦੇ ਧਾਰਨੀ, ਹੁੰਦਲ ਇੰਟਰਪ੍ਰਾਈਜ਼ਿਜ ਕਾਮਨ ਸਰਵਿਸ ਸੈਂਟਰ ਦੇ ਐਮ. ਡੀ. ਤੇ ਮਾਤਾ ਕਿਸ਼ਨ ਕੌਰ ਚੈਰੀਟੇਬਲ ਦੇ ਚੇਅਰਮੈਨ ਦਲਜੀਤ ਸਿੰਘ ਹੁੰਦਲ ਨੇ ਚੋਣਾਂ ਦੌਰਾਨ ਟੁੱਟੀਆਂ ਸੜਕਾਂ ਨੂੰ ਬਣਾਉਣ ਦੇ ਕੀਤੇ ਗਏ ਦਾਅਵਿਆਂ ਦੀ ਘੋਰ ਨਿੰਦਾ ਕਰਦਿਆਂ ਕਿਹਾ ਕਿ ਸਰਕਾਰ ਨੇ ਟੁੱਟੀਆਂ ਸੜਕਾਂ ਤਾਂ ਕੀ ਬਣਾਉਣੀਆਂ ਸੀ ਸਗੋਂ ਰਾਹਗੀਰ ਦੀਆਂ ਜਾਨਾਂ ਦਾ ਖੌਅ ਬਣੇ ਸੜਕਾਂ ਦੇ ਡੂੰਘੇ ਟੋਇਆਂ ਦੀ ਅਜੇ ਤੱਕ ਮੁਰੰਮਤ ਨਹੀਂ ਕਰਵਾਈ ਗਈ | ਸਰਕਾਰ ਦੇ ਸੜਕਾਂ ਬਣਾਉਣ ਨੂੰ ਕੀਤੇ ਜਾ ਰਹੇ ਵਾਅਦਿਆਂ ਦੀ ਹਵਾ ਨਿਕਲਦੀ ਜਾ ਰਹੀ ਹੈ | ਉਨ੍ਹਾਂ ਕਿਹਾ ਕਿ ਫਰਾਲਾ-ਜੱਸੋਮਜਾਰਾ ਅਤੇ ਹੋਰ ਇਲਾਕੇ ਦੀਆਂ ਟੁੱਟੀਆਂ ਸੜਕਾਂ ਸਰਕਾਰ ਨੇ ਜਲਦ ਬਣਾਉਣ ਦੀ ਕੋਸ਼ਿਸ਼ ਨਾ ਕੀਤੀ ਤਾਂ ਸਰਕਾਰ ਨੂੰ ਇਹ ਅਣਗਹਿਲੀ ਲੈ ਡੁੱਬੇਗੀ |
