ਲਾਲਪੁਰ ਵਿਖੇ ਵਿਧਵਾ ਔਰਤ ਦੇ ਘਰ ਹੋਈ ਚੋਰੀ

ਬੰਗਾ, 6 ਜੂਨ (ਧਰਮਵੀਰ ਪਾਲ)-ਬੰਗਾ ਦੇ ਨਜ਼ਦੀਕ ਪਿੰਡ ਲਾਲਪੁਰ ਵਿਖੇ ਇਕ ਵਿਧਵਾ ਔਰਤ ਦੇ ਘਰੋਂ 50 ਹਜ਼ਾਰ ਰੁਪਏ ਦੀ ਨਕਦੀ ਤੇ ਹੋਰ ਸਾਮਾਨ ਚੋਰੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ | ਬਿੰਦਰ ਕੌਰ ਪਤਨੀ ਸਵ. ਸ਼ਿੰਦਰਪਾਲ ਨੇ ਦੱਸਿਆ ਕਿ ਉਹ ਰਾਤ 8 ਵਜੇ ਘਰੋਂ ਆਪਣੇ ਰਿਸ਼ਤੇਦਾਰਾਂ ਦੇ ਗਏ ਹੋਏ ਸਨ | ਸਵੇਰੇ ਉਨ੍ਹਾਂ ਨੂੰ ਇਕ ਫ਼ੋਨ ਆਇਆ ਕਿ ਉਨ੍ਹਾਂ ਦੇ ਘਰ ਚੋਰੀ ਹੋ ਗਈ ਹੈ | ਜਦੋਂ ਉਹ ਆਪਣੇ ਲੜਕੇ ਜਗਦੀਸ਼ ਕੁਮਾਰ ਨਾਲ ਘਰ ਪਹੁੰਚੀ ਤਾਂ ਉਨ੍ਹਾਂ ਦੇਖਿਆ ਕਿ ਸਾਮਾਨ ਖਿੱਲਰਿਆਂ ਹੋਇਆ ਸੀ ਤੇ ਉਨ੍ਹਾਂ ਦੇ ਬਾਕਸਬੈਡ ਵਿਚ ਰੱਖੀ 50 ਹਜ਼ਾਰ ਦੀ ਰਕਮ, ਸਿਲੰਡਰ ਤੇ ਕੁਝ ਰਕਮ ਜੋ ਰਾਸ਼ਨ ਲਿਆਉਣ ਲਈ ਰੱਖੀ ਸੀ ਕਰੀਬ 3500 ਦੇ ਉਹ ਵੀ ਗ਼ਾਇਬ ਸੀ | ਉਨ੍ਹਾਂ ਦੱਸਿਆ ਕਿ ਇਹ 50 ਹਜ਼ਾਰ ਦੀ ਰਕਮ ਉਨ੍ਹਾਂ ਕਰਜ਼ਾ ਮੋੜਨ ਲਈ ਕਿਸੇ ਕੋਲ ਉਧਾਰ ਲਿਆਂਦੀ ਸੀ, ਜੋ ਕਿ ਚੋਰ ਲੈ ਕੇ ਫ਼ਰਾਰ ਹੋ ਗਏ | ਇਸ ਮੌਕੇ ਕੁਲਦੀਪ ਕੁਮਾਰ ਪੰਚ ਨੇ ਦੱਸਿਆ ਕਿ ਚੋਰਾਂ ਵਲੋਂ ਘਰ ਅੰਦਰ ਦਾਖਲ ਹੋ ਕੇ ਨਕਦੀ ਚੋਰੀ ਕੀਤੀ ਅਤੇ ਰਸੋਈ ਵਿਚ ਖਾਣਾ ਖਾਦਾਂ ਅਤੇ ਰਫ਼ੂ ਚੱਕਰ ਹੋ ਗਏ | ਇਸ ਸੰਬੰਧੀ ਉਨ੍ਹਾਂ ਵਲੋਂ ਥਾਣਾ ਬਹਿਰਾਮ ਨੂੰ ਜਾਣਕਾਰੀ ਦਿੱਤੀ ਗਈ | ਥਾਣਾ ਬਹਿਰਾਮ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਤਫ਼ਤੀਸ਼ ਚੱਲ ਰਹੀ ਹੈ | ਇਸ ਮੌਕੇ ਸੰਤੋਖ ਰਾਮ ਸਰਪੰਚ, ਬਿੰਦਰ ਕੌਰ, ਕੁਲਦੀਪ ਕੁਮਾਰ ਪੰਚ, ਹਰਪ੍ਰੀਤ ਕੌਰ, ਅਮਨਦੀਪ ਕੌਰ, ਜਗਦੀਪ ਕੁਮਾਰ ਦੀਪਾ ਤੇ ਹੋਰ ਹਾਜ਼ਰ ਸਨ |