ਬਹਿਰਾਮ, 9 ਜੂਨ (ਨਛੱਤਰ ਸਿੰਘ ਬਹਿਰਾਮ)-ਰੋਪੜ-ਫਗਵਾੜਾ ਮੁੱਖ ਮਾਰਗ ਮਾਹਿਲਪੁਰ ਚੌਂਕ ਬਹਿਰਾਮ ਵਿਖੇ ਸੜਕ ਹਾਦਸੇ 'ਚ ਇਕ ਮੋਟਰਸਾਇਕਲ ਸਵਾਰ ਦੀ ਮੌਤ ਹੋ ਗਈ ਅਤੇ ਦੋ ਵਿਅਕਤੀ ਗੰਭੀਰ ਜਖਮੀ ਹੋਣ ਦਾ ਸਮਾਚਾਰ ਮਿਲਿਆ ਹੈ | ਏ.ਐਸ.ਆਈ ਗੁਰਦੀਪ ਸਿੰਘ ਨੇ ਦੱਸਿਆ ਕਿ ਇੱਕ ਮੋਟਰ ਸਾਇਕਲ ਨੰਬਰ ਪੀ.ਬੀ 08 ਈ.ਕਿਉ 3723 'ਤੇ ਸਵਾਰ ਤਿੰਨ ਵਿਅਕਤੀ ਵਾਸੀ ਪਿੰਡ ਸ਼ਫੀਪੁਰ ਜਲੰਧਰ ਦੇ ਰਹਿਣ ਵਾਲੇ ਹਨ, ਜਿਨ੍ਹਾਂ 'ਚ ਦੀਪਕ ਪੁੱਤਰ ਆਤਮਾ ਰਾਮ ਦੀ ਮੌਤ ਹੋ ਗਈ ਅਤੇ ਪਿ੍ੰਸ ਤੇ ਲੱਕੀ ਜਖ਼ਮੀ ਹੋ ਗਏ | ਜਿਕਰਯੋਗ ਹੈ ਕਿ ਇਹ ਤਿੰਨੋਂ ਵਿਅਕਤੀ ਨਜਦੀਕੀ ਪਿੰਡ ਕੱਟ ਵਿਖੇ ਰਿਸ਼ਤੇਦਾਰੀ 'ਚ ਕਿਸੇ ਧਾਰਮਿਕ ਪ੍ਰੋਗਰਾਮ 'ਤੇ ਆਏ ਸਨ | ਜਦੋ ਉਹ ਸਵੇਰੇ ਸਵਾ ਕੁ ਸੱਤ ਵਜੇ ਵਾਪਿਸ ਆਪਣੇ ਪਿੰਡ ਨੂੰ ਜਾਣ ਲੱਗੇ ਤਾਂ ਫਗਵਾੜਾ ਸਾਇਡ ਤੋਂ ਇਲੈਕਟਿ੍ਕ ਬੱਸ ਨੂੰ ਪੀ.ਬੀ 01 ਐੱਫ਼ 8380 ਆ ਰਹੀ ਸੀ, ਜਦੋ ਉਕਤ ਸਥਾਨ 'ਤੇ ਪੁੱਜੀ ਤਾਂ ਹਾਦਸਾ ਵਾਪਰ ਗਿਆ | ਜਖ਼ਮੀਆਂ ਨੂੰ ਨਜਦੀਕੀ ਗੁਰੂ ਨਾਨਕ ਮਿਸਨ ਹਸਪਤਾਲ ਇਲਾਜ ਲਈ ਪੁੰਹਚਾਇਆ ਗਿਆ | ਬੱਸ ਡਰਾਇਵਰ ਮੌਕੇ ਤੋਂ ਫਰਾਰ ਹੋ ਗਿਆ, ਜਿਸ ਸਬੰਧੀ ਬਹਿਰਾਮ ਪੁਲਿਸ ਅਗਲੇਰੀ ਕਾਰਵਾਈ ਕਰ ਰਹੀ ਹੈ |
