ਵਿਧਾਇਕ ਲਖਵੀਰ ਸਿੰਘ ਰਾਏ ਨੇ ਸਰਹਿੰਦ ਵਿਖੇ ਕੀਤਾ ਕਾਰਨੀਵਾਲ ਮੇਲੇ ਦਾ ਉਦਘਾਟਨ
ਅਜੀਤ ਡੈਸਕ
11-05-2026
ਉਨਾਂ ਕਿਹਾ ਅਜਿਹੇ ਮੇਲੇ ਜਿੱਥੇ ਹਰ ਵਰਗ ਦੇ ਮਨੋਰੰਜਨ ਦਾ ਸਾਧਨ ਬਣਦੇ ਹਨ, ਉੱਥੇ ਰੁਜ਼ਗਾਰ ਦੇ ਮੌਕੇ ਵੀਂ ਪ੍ਰਦਾਨ ਕਰਦੇ ਹਨ | ਵਿਧਾਇਕ ਲਖਵੀਰ ਸਿੰਘ ਰਾਏ ਨੇ ਸਾਰੇ ਮੇਲੇ ਦਾ ਨਰੀਖਣ ਕਰਨ ਉਪਰੰਤ ਮੇਲੇ ਦੇ ਪ੍ਰਬੰਧਕਾਂ ਨੂੰ ਮੇਲੇ 'ਚ ਆਉਣ ਵਾਲੀਆਂ ਸੰਗਤਾਂ ਨਾਲ ਪਿਆਰ ਨਾਲ ਪੇਸ਼ ਆਉਣ ਦੀ ਗੱਲ ਕਹੀ ਅਤੇ ਸ਼ਹਿਰ ਵਾਸੀਆਂ ਨੂੰ ਅਜਿਹੇ ਮੇਲਿਆਂ ਦਾ ਆਨੰਦ ਲੈਣ ਦੀ ਸਲਾਹ ਵੀਂ ਦਿੱਤੀ | ਇਸ ਮੌਕੇ ਮੇਲੇ ਦੇ ਮੁੱਖ ਪ੍ਰਬੰਧਕ ਨਾਇਬ ਸਿੰਘ ਦਿੜਬਾ ਤੇ ਰਾਹੁਲ ਨੇ ਕਿਹਾ ਕਿ ਲੰਡਨ ਸਿਟੀ ਕਾਰਨੀਵਾਲ ਮੇਲਾ ਸਰਹਿੰਦ ਫ਼ਤਹਿਗੜ ਸਾਹਿਬ 'ਚ ਪਹਿਲੀ ਵਾਰ ਲੱਗਿਆ ਹੈ ਜਿੱਥੇ 22 ਪ੍ਰਕਾਰ ਦੇ ਵਿਦੇਸ਼ੀ ਝੂਲੇ, ਡਬਲਡਿਕਸ ਝੂਲਾ ਪਹਿਲੀ ਵਾਰ, ਭੂਤ ਬੰਗਲਾ, ਖੂਹ ਕਾਰ ਸਰਕਸ, ਊਠ ਦੀ ਸਵਾਰੀ, ਫੂਡ ਕੋਰਟ, ਸਸਤੀ ਖ਼ਰੀਦਦਾਰੀ, ਜਿਊਲਰੀ, ਲੱਕੜ ਦਾ ਸਮਾਨ, ਬੱਚਿਆਂ ਦੇ ਖੇਡਣ ਦਾ ਸਮਾਨ ਤੇ ਹੋਰ ਆਕਰਸ਼ਿਤ ਆਈਟਮ ਮੌਜੂਦ ਹਨ | ਇਸ ਮੌਕੇ ਕੌਂਸਲਰ ਦੇਵਿੰਦਰ ਕੌਰ, ਜਗਤਾਰ ਸਿੰਘ, ਐਡਵੋਕੇਟ ਰਾਜੇਸ਼ ਉੱਪਲ, ਠੇਕੇਦਾਰ ਗੁਰਚਰਨ ਸਿੰਘ, ਸੁਖਵਿੰਦਰ ਸਿੰਘ ਸੇਠੀ, ਗੁਰਪ੍ਰੀਤ ਸਿੰਘ, ਸਾਜਦ ਹੁਸੈਨ, ਸ਼ਾਮ ਗੌਤਮ, ਗੁਰਿੰਦਰਪਾਲ ਸਿੰਘ ਸੇਠੀ, ਹਰਸਿਮਰਨ ਸਿੰਘ, ਮਨਿੰਦਰਬੀਰ ਸਿੰਘ, ਮਨਕਰਨ ਸਿੰਘ, ਬਲਜਿੰਦਰ ਸਿੰਘ ਸਰਪੰਚ, ਸਿਮੂ ਹਰਸਿਮਰਨ ਸਿੰਘ, ਮੋਹਨ ਸਿੰਘ ਆਦਿ ਹਾਜ਼ਰ ਸਨ |
