ਬਸੀ ਪਠਾਣਾਂ, 23 ਮਈ (ਐਚ.ਐਸ. ਗੌਤਮ)-ਭਾਜਪਾ ਦੇ ਐਨ.ਜੀ.ਓ. ਸੈੱਲ ਦੇ ਸੂਬਾ ਕਨਵੀਨਰ ਮਨਜਿੰਦਰ ਸਿੰਘ ਰੋਮੀ ਵਲੋਂ ਬਸੀ ਪਠਾਣਾਂ ਨਗਰ ਕੌਂਸਲ ਚੋਣਾਂ ਵਿਚ ਪਾਰਟੀ ਦੇ ਵਾਰਡ ਨੰ. 4 ਤੋਂ ਉਮੀਦਵਾਰ ਹਰਸ਼ਦੀਪ ਸ਼ਰਮਾ ਦੇ ਹੱਕ ਵਿਚ ਚੋਣ ਪ੍ਰਚਾਰ ਕੀਤਾ ਗਿਆ | ਰੋਮੀ ਨੇ ਦੱਸਿਆ ਕਿ ਪ੍ਰਚਾਰ ਦੌਰਾਨ ਇਲਾਕਾ ਨਿਵਾਸੀਆਂ ਨੇ ਆਪਣੇ ਵਾਰਡ ਵਿਚ ਆ ਰਹੀਆਂ ਸਮੱਸਿਆਵਾਂ ਤੋਂ ਜਾਣੂ ਕਰਵਾਇਆ | ਲੋਕਾਂ ਨੇ ਦੱਸਿਆ ਕਿ ਸ਼ਹਿਰ ਵਿਕਾਸ ਪੱਖੋਂ ਹੁਣ ਤੱਕ ਵਾਂਝਾ ਰਿਹਾ ਹੈ | ਸ਼ਹਿਰ ਵਿਚ ਕੂੜੇ ਅਤੇ ਗੰਦਗੀ ਦੀ ਭਰਮਾਰ ਹੈ ਜੋ ਕਿ ਬਿਮਾਰੀਆਂ ਨੂੰ ਸੱਦਾ ਦੇ ਰਿਹਾ ਹੈ | ਇਸ ਦੌਰਾਨ ਭਾਜਪਾ ਉਮੀਦਵਾਰ ਹਰਸ਼ਦੀਪ ਸ਼ਰਮਾ, ਮੰਡਲ ਪ੍ਰਧਾਨ ਓਮ ਪ੍ਰਕਾਸ਼ ਗੌਤਮ, ਐਨ.ਜੀ.ਓ. ਸੈੱਲ ਦੇ ਸੂਬਾ ਕੋ-ਕਨਵੀਨਰ ਅਰੁਨ ਗੁਸਾਈ, ਕੁਲਦੀਪ ਸਹੋਤਾ, ਜੋਨੀ ਧੀਮਾਨ, ਸਈਯਮ ਪਾਠਕ, ਪਰਵਿੰਦਰ ਸੋਢੀ, ਪਰਵੀਨ ਸੱਪਲ, ਮਹਿੰਦਰ ਸਿੰਘ, ਰਾਜਾ ਅਤੇ ਗੋਗੀ ਆਦਿ ਹਾਜ਼ਰ ਸਨ |
