ਅਮਲੋਹ, 6 ਜੂਨ (ਕੇਵਲ ਸਿੰਘ)-ਵਿਸ਼ਵ ਵਾਤਾਵਰਨ ਦਿਵਸ ਨਾਹਰ ਸ਼ੂਗਰ ਮਿੱਲ ਅਮਲੋਹ ਵਿਖੇ ਸਮੂਹ ਪ੍ਰਬੰਧਕ ਤੇ ਕਰਮਚਾਰੀਆਂ ਵਲੋਂ ਵੱਖ-ਵੱਖ ਤਰ੍ਹਾਂ ਦੇ ਬੂਟੇ ਲਗਾ ਕੇ ਮਨਾਇਆ ਗਿਆ | ਇਸ ਮੌਕੇ ਪ੍ਰਬੰਧਕਾਂ ਨੇ ਦੱਸਿਆ ਕਿ ਇਸ ਦਾ ਮੁੱਖ ਉਦੇਸ਼ ਆਮ ਲੋਕਾਂ ਨੂੰ ਵਾਤਾਵਰਨ ਦੀ ਸੰਭਾਲ ਲਈ ਜਾਗਰੂਕ ਕਰਨਾ ਹੈ | ਕਿਉਂਕਿ ਧਰਤੀ 'ਤੇ ਤਾਪਮਾਨ ਦਾ ਵਾਧਾ ਹੋ ਰਿਹਾ ਹੈ ਅਤੇ ਤਾਪਮਾਨ ਨੂੰ ਘਟਾਉਣ ਲਈ ਜ਼ਿਆਦਾ ਰੁੱਖਾਂ ਦਾ ਹੋਣਾ ਜ਼ਰੂਰੀ ਹੈ | ਇਸ ਮੌਕੇ ਨਾਹਰ ਸ਼ੂਗਰ ਮਿੱਲ ਦੇ ਜਨਰਲ ਮੈਨੇਜਰ ਯੋਗੇਸ਼ ਕੁਮਾਰ ਸਿੰਘ ਨੇ ਸਮੂਹ ਕਰਮਚਾਰੀਆਂ ਨੂੰ ਅੱਜ ਦੇ ਦਿਨ 'ਤੇ 'ਇਕ ਰੁੱਖ 100 ਸੁੱਖ' ਸਬੰਧੀ ਜਾਗਰੂਕ ਕੀਤਾ | ਇਸ ਸਮੇਂ ਜਸਵਿੰਦਰ ਸਿੰਘ ਏ.ਵੀ.ਪੀ. ਮਕੈਨੀਕਲ ਵਿਭਾਗ, ਵਿਨੇ ਗੁਪਤਾ ਏ.ਵੀ.ਪੀ. ਬਿਜਲੀ ਵਿਭਾਗ, ਵਿਨੇ ਰਾਓ ਏ.ਵੀ.ਪੀ. ਉਤਪਾਦਨ, ਜਸਵੀਰ ਸਿੰਘ ਸੀਨੀਅਰ ਮੈਨੇਜਰ, ਭੁਪਿੰਦਰ ਸਿੰਘ, ਰਾਵਿੰਦਰ ਪ੍ਰਤਾਪ ਸਿੰਘ, ਰਾਕੇਸ਼ ਕੁਮਾਰ ਅਤੇ ਕਪਿਲ ਲੂਥਰਾ ਆਦਿ ਮੌਜੂਦ ਸਨ |
