ਪਠਾਨਕੋਟ, 20 ਫਰਵਰੀ (ਸੰਧੂ)-ਆਰੀਆ ਸੀਨੀਅਰ ਸੈਕੰਡਰੀ ਸਕੂਲ (ਲੜਕੇ) ਦੇ ਵਿਦਿਆਰਥੀ ਚਿਰਾਗ਼ ਪੁੱਤਰ ਗੁਲਸ਼ਨ ਕੁਮਾਰ ਅਤੇ ਯਸ਼ੋਦਾ ਦੇਵੀ ਨੇ ਜੇ.ਈ.ਈ.-ਮੇਨਜ਼ ਵਿਚ 98.7 ਪ੍ਰਤੀਸ਼ਤ ਅੰਕ ਪ੍ਰਾਪਤ ਕੀਤੇ | ਚਿਰਾਗ਼ ਦੀ ਦਿਨ-ਰਾਤ ਦੀ ਅਣਥੱਕ ਮਿਹਨਤ ਨੇ ਇਸ ਸਫ਼ਲਤਾ ਨੂੰ ਹਾਸਲ ਕੀਤਾ ਹੈ | ਉਸ ਦੇ ਮਾਪਿਆਂ ਦੇ ਮਾਰਗ ਦਰਸ਼ਨ ਤੇ ਉਸ ਦੇ ਅਧਿਆਪਕਾਂ ਦੀ ਸਖ਼ਤ ਮਿਹਨਤ ਨੇ ਵੀ ਯੋਗਦਾਨ ਪਾਇਆ | ਸਕੂਲ ਮੈਨੇਜਰ ਸੰਜੀਵ ਪੁਰੀ ਤੇ ਪਿ੍ੰਸੀਪਲ ਰਜਨੀ ਮਲਹੋਤਰਾ ਨੇ ਚਿਰਾਗ਼ ਅਤੇ ਉਸ ਦੇ ਮਾਪਿਆਂ ਨੂੰ ਵਧਾਈ ਦਿੱਤੀ ਤੇ ਉਸ ਦੇ ਉੱਜਵਲ ਭਵਿੱਖ ਦੀ ਕਾਮਨਾ ਕੀਤੀ |
