ਬਟਾਲਾ, 7 ਮਾਰਚ (ਸੋਤਿੰਦਰ ਸਿੰਘ)- ਰੋਟਰੀ ਕਲੱਬ ਬਟਾਲਾ ਨੇ ਕੈਨੇਡਾ ਕਿ੍ਕਟ ਟੀਮ ਦੇ ਕਪਤਾਨ ਦਿਲਪ੍ਰੀਤ ਸਿੰਘ ਬਾਜਵਾ ਨੂੰ ਉਸ ਦੇ ਜੱਦੀ ਸ਼ਹਿਰ ਬਟਾਲਾ ਨੂੰ ਅੰਤਰਰਾਸ਼ਟਰੀ ਮਾਣ ਦਿਵਾਉਣ ਲਈ ਸਨਮਾਨਿਤ ਕਰਨ ਸਬੰਧੀ ਇਕ ਵਿਸੇਸ਼ ਸਮਾਗਮ ਪ੍ਰਧਾਨ ਰੋਟੇਰੀਅਨ ਨਿਪੁਣ ਅਗਰਵਾਲ ਅਤੇ ਕਲੱਬ ਸਕੱਤਰ ਰੋਟੇਰੀਅਨ ਪਾਰਸ ਵਢੇਰਾ ਦੀ ਅਗਵਾਈ ਹੇਠ ਕੀਤਾ ਗਿਆ | ਉਸ ਵਿਸ਼ੇਸ਼ ਮਹਿਮਾਨ ਦਿਲਪ੍ਰੀਤ ਸਿੰਘ ਬਾਜਵਾ ਦਾ ਨਿੱਘਾ ਸਵਾਗਤ ਕੀਤਾ ਅਤੇ ਅੰਤਰਰਾਸ਼ਟਰੀ ਕਿ੍ਕਟ ਦੇ ਖੇਤਰ ਵਿਚ ਉਨ੍ਹਾਂ ਦੀਆਂ ਸ਼ਾਨਦਾਰ ਪ੍ਰਾਪਤੀਆਂ ਦੀ ਸ਼ਾਲਾਘਾ ਕੀਤੀ | ਕਲੱਬ ਮੈਂਬਰਾਂ ਨੇ ਦਿਲਪ੍ਰੀਤ ਸਿੰਘ ਬਾਜਵਾ ਨੂੰ ਉਨ੍ਹਾਂ ਦੇ ਸਮਰਪਣ, ਸਖਤ ਮਿਹਨਤ ਅਤੇ ਬਟਾਲਾ ਤੋਂ ਅੰਤਰਰਾਸ਼ਟਰੀ ਪੱਧਰ 'ਤੇ ਕੈਨੇਡਾ ਦੀ ਨੁਮਾਇੰਦਗੀ ਕਰਨ ਤੱਕ ਦੇ ਸ਼ਾਨਦਾਰ ਸਫਰ ਲਈ ਵਧਾਈ ਦਿੱਤੀ | ਇਸ ਮੌਕੇ ਰੋਟਰੀ ਕਲੱਬ ਬਟਾਲਾ ਨੇ ਦਿਲਪ੍ਰੀਤ ਸਿੰਘ ਬਾਜਵਾ ਨੂੰ ਖੇਡਾਂ ਵਿਚ ਉਨ੍ਹਾਂ ਦੇ ਯੋਗਦਾਨ ਤੇ ਨੌਜਵਾਨਾਂ ਨੂੰ ਪ੍ਰੇਰਿਤ ਕਰਨ ਲਈ ਪ੍ਰਸ਼ੰਸਾ ਪੱਤਰ ਦੇ ਕੇ ਸਨਮਾਨਿਤ ਕੀਤਾ | ਸਮਾਗਮ ਦੌਰਾਨ ਰੋਟੇਰੀਅਨ ਰਾਜੇਸ਼ ਕਵਾਤਰਾ, ਰੋਟੇਰੀਅਨ ਬਲਦੇਵ ਪ੍ਰਰਾਸ਼ਰ, ਰੋਟੇਰੀਅਨ ਐਚ.ਐਸ., ਰੋਟੇਰੀਅਨ ਐਸ.ਜੇ. ਬਾਂਸਲ, ਰੋਟੇਰੀਅਨ ਭੁਪਿੰਦਰ ਸਿੰਘ ਕਾਲੜਾ, ਰੋਟੇਰੀਅਨ ਵਰੁਣ ਅਗਰਵਾਲ, ਰੋਟੇਰੀਅਨ ਨਰਿੰਦਰ ਸਿੰਘ ਸਿੱਧੂ, ਰੋਟੇਰੀਅਨ ਪਰਮਿੰਦਰ ਸਿੰਘ, ਰੋਟੇਰੀਅਨ ਮਨਮਿੰਦਰ ਸਿੰਘ, ਰੋਟੇਰੀਅਨ ਜਗਪ੍ਰੀਤ ਸੰਧੂ, ਰੋਟੇਰੀਅਨ ਗੁਰਪ੍ਰੀਤ ਸਿੰਘ, ਅਤੇ ਰੋਟੇਰੀਅਨ ਵਿਨੋਦ ਸਚਦੇਵਾ ਸਾਮਲ ਸਨ |
