ਸ਼ਾਹਪੁਰ ਕੰਢੀ, 9 ਮਈ (ਰਣਜੀਤ ਸਿੰਘ)-ਰਣਜੀਤ ਸਾਗਰ ਡੈਮ ਪ੍ਰਸ਼ਾਸਨ ਵਲੋਂ 13 ਕਿੱਲੋਮੀਟਰ ਲੰਮੀ ਪ੍ਰੋਜੈਕਟ ਸੜਕ 'ਤੇ ਲਗਪਗ 20 ਲੱਖ ਰੁਪਏ ਖ਼ਰਚ ਕੇ ਕਰਾਸ ਬੈਰੀਅਰ ਲਗਾਏ ਹਨ ਤਾਂ ਜੋ ਕੋਈ ਹਾਦਸਾ ਨਾ ਵਾਪਰ ਸਕੇ | ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਕਾਰਜਕਾਰੀ ਇੰਜੀਨੀਅਰ ਸਰਵਜੋਤ ਸਿੰਘ ਨੇ ਦੱਸਿਆ ਕਿ ਰਣਜੀਤ ਸਾਗਰ ਡੈਮ ਨੰੂ ਜਾਂਦੀ ਇਹ 13 ਕਿੱਲੋਮੀਟਰ ਲੰਮੀ ਸੜਕ ਦੇ ਇਕ ਪਾਸੇ ਡੂੰਘਾ ਰਾਵੀ ਦਰਿਆ ਹੈ ਤੇ ਇਕ ਪਾਸੇ ਉੱਚੀਆਂ ਪਹਾੜੀਆਂ | ਬਰਸਾਤਾਂ ਦੇ ਦਿਨਾਂ ਵਿਚ ਅਕਸਰ ਹਾਦਸੇ ਵਾਪਰਦੇ ਰਹਿੰਦੇ ਹਨ | ਇਸ ਸੜਕ ਤੋਂ ਲੰਘਣ ਵਾਲੇ ਵਾਹਨ ਚਾਲਕਾਂ ਦੀ ਸੁਰੱਖਿਆ ਯਕੀਨੀ ਬਣਾਉਣ ਦੇ ਮੰਤਵ ਨਾਲ ਹੀ ਇਹ ਕਰਾਸ ਬੈਰੀਅਰ ਲਗਾਏ ਗਏ ਹਨ | ਉਨ੍ਹਾਂ ਕਿਹਾ ਕਿ ਹੋਰ ਵੀ ਬਹੁਤ ਸਾਰੀਆਂ ਥਾਵਾਂ ਦੀ ਪਹਿਚਾਣ ਕੀਤੀ ਜਾ ਰਹੀ ਹੈ, ਜਿਥੇ ਵੀ ਲੋੜ ਮਹਿਸੂਸ ਹੋਈ, ਉਥੇ ਕਰਾਸ ਬੈਰੀਅਰ ਲਗਾਏ ਜਾਣਗੇ |
